டான்ஸ் மாஸ்டர் ராபர்ட் உடன் சுப முகூர்த்த தேதி மற்றும் நேரம் குறித்து அறிவிப்பை நடிகை வனிதா விஜயகுமார் தனது இன்ஸ்டாகிராம் பக்கத்தில் வெளியிட்டுள்ளார். இந்த அறிவிப்பு பரபரப்பை ஏற்படுத்தியுள்ளது.

பழம்பெரும் நடிகர் விஜயகுமாரின் மகள் வனிதா விஜயகுமார், விஜய் நடித்த ’சந்திரலேகா’ திரைப்படத்தின் மூலம் நடிகையாக அறிமுகமானார். பின்னர், ராஜ்கிரண் உடன் அவர் ’மாணிக்கம்’ படத்தில் நடித்த பின்னர் சில படங்களில் நடித்தாலும், தனிப்பட்ட வாழ்க்கையில் ஏற்பட்ட பிரச்சனை காரணமாக நீண்ட நாட்களாக நடிக்கவில்லை. இதனை அடுத்து, சமீபத்தில் அவர் பிரசாந்த் நடித்த ’அந்தகன்’ திரைப்படத்தில் சமுத்திரக்கனி ஜோடியாக நடித்திருந்தார்.

இந்த நிலையில், தற்போது ராபர்ட் உடன் அவர் ஒரு திரைப்படத்தில் நடித்து வருகிறார் என்பதும், ’மிஸஸ் அண்ட் மிஸ்டர்’ என்ற டைட்டில் வைக்கப்பட்டுள்ள இந்த படத்தை வனிதாவின் மகள் ஜோவிகா தயாரித்து வருகிறார் என்பதும் குறிப்பிடத்தக்கது.

இந்த நிலையில், நாளை காதலர் தினத்தில் மாலை 5:55 மணிக்கு இந்த படத்தில் இடம்பெற்றுள்ள சுபமுகூர்த்தம் என்ற பாடலை வெளியிடப் போவதாக வனிதா அறிவித்துள்ளார். மேலும், வனிதா, ராபர்ட் உடன் திருமண கோலத்துடன் இருக்கும் போஸ்டரையும் வெளியிட்டுள்ள நிலையில், இந்த போஸ்டர் தற்போது இணையத்தில் வைரலாகி வருகிறது.

View this post on Instagram

A post shared by Vanitha (@vanithavijaykumar)