ஆர்கே பாலாஜி நடித்த ’சிங்கப்பூர் சலூன்’ என்ற திரைப்படத்தின் படப்பிடிப்பு முடிவடைந்து தற்போது இறுதி கட்ட தொழில்நுட்ப பணிகள் நடைபெற்று வருவதாகவும் விரைவில் இந்த படத்தின் ரிலீஸ் தேதி குறித்த தகவல் வெளியாகும் என்றும் கூறப்பட்டது.

இந்த நிலையில் நேற்று சென்னை சேப்பாக்கம் மைதானத்தில் சிஎஸ்கே மற்றும் குஜராத் அணிகளுக்கு இடையே நடைபெற்ற போட்டியில் வர்ணனையாளராக இருந்த ஆர்ஜே பாலாஜி ’சிங்கப்பூர் சலூன்’ ரிலீஸ் குறித்த தகவலை தெரிவித்துள்ளார். இந்த படம் ஜூலை மாதம் வெளியாகும் என்று அறிவிக்கப்பட்டுள்ளது.

மேலும் ஜூலை வெளியீடு என்ற தகவலுடன் கூடிய புதிய போஸ்டர் வெளியாகி உள்ள நிலையில் இந்த போஸ்டர் தற்போது வைரல் ஆகி வருகிறது என்பது குறிப்பிடத்தக்கது. மேலும் இந்த திரைப்படத்தில் பிரபல இயக்குனர் லோகேஷ் கனகராஜ் சிறப்பு தோற்ற்அத்தில் நடித்துள்ளார் என்பதும் அவருடைய காட்சியின் படப்பிடிப்பு சமீபத்தில் நடந்தது என்பது குறிப்பிடத்தக்கது.

ஆர்.ஜே.பாலாஜி, சத்யராஜ், லால், தலைவாசல் விஜய் உட்பட பலர் நடிக்கும் ‘சிங்கப்பூர் சலூன்’ திரைப்படத்தை கோகுல் இயக்கி வருகிறார். இவர் ஏற்கனவே ‘ரெளத்திரம்’, ‘இதற்குத்தானேஆசைப்பட்டாய் பாலகுமாரா’,‘காஷ்மோரா’, ‘ஜுங்கா’, ‘அன்பிற்கினியாள்’ ஆகிய படங்களை இயக்கியுள்ளார். ஐசரி கே கணேஷின் வேல்ஸ் ஃபிலிம் இன்டர்நேஷனல் நிறுவனம் இந்த படத்தை தயாரிக்கிறது.