close
Choose your channels

அடுத்த படத்தை ஒரே ஷெட்யூலில் முடிக்க ஆர்ஜே பாலாஜி திட்டம்!

Tuesday, May 18, 2021 • தமிழ் Comments

ஆர்ஜே பாலாஜியின் ’எல்கேஜி’ மற்றும் ’மூக்குத்தி அம்மன்’ ஆகிய இரண்டு திரைப்படங்களும் ரசிகர்கள் மத்தியில் நல்ல வரவேற்பை பெற்றது மட்டுமின்றி வசூலிலும் சாதனை செய்தது. இதனை அடுத்து ஆர்ஜே பாலாஜியின் அடுத்த படத்தின் தகவல்கள் சமீபத்தில் வெளிவந்தது.

கடந்த 2018 ஆம் ஆண்டு பாலிவுட்டில் வெளியான ஆயுஷ்மான் குரானா நடித்த ’பதாய் ஹோ’ என்ற திரைப்படத்தின் தமிழ் ரீமேக்கில் ஆர்ஜே பாலாஜி நடித்து இயக்க இருப்பதாக கூறப்பட்டது. ஆயுஷ்மான் குரானா வேடத்தில் ஆர்ஜே பாலாஜி நடிக்கவுள்ளார் என்பது குறிப்பிடத்தக்கது. பிரபல பாலிவுட் தயாரிப்பாளரும், அஜித்தின் ‘வலிமை’ தயாரிப்பாளருமான போனி கபூர் தயாரிக்கும் இந்தப் படத்தின் படப்பிடிப்பு கொரோனா வைரஸ் பாதிப்பு முடிந்ததும் கோவையில் நடைபெற உள்ளதாக தகவல்கள் வெளிவந்துள்ளன.

மேலும் இந்த படத்தின் படப்பிடிப்பை ஒரே ஷெட்யூலில் முடிக்க ஆர்ஜே பாலாஜி திட்டமிட்டுள்ளார் என்றும், அதற்கேற்ற ஏற்பாடுகளுடன் படப்பிடிப்புக்கு செல்ல உள்ளதாகவும் கூறப்படுகிறது. மேலும் இந்த திரைப்படத்திற்கு ’வீட்ல விசேஷங்க’ என்ற டைட்டில் வைக்கப்பட்டிருப்பதாகவும் இதற்காக கே பாக்யராஜ் அவர்களிடம் பேச்சுவார்த்தை நடத்த ஆர்ஜே பாலாஜி திட்டமிட்டுள்ளதாகவும் கூறப்படுகிறது.

Get Breaking News Alerts From IndiaGlitz