close
Choose your channels
NMM
NMM

'பொன்னியின் செல்வன்' தமிழில் ரிலீஸ் ஆகின்றதா? கிரிக்கெட் வீரர் அஸ்வின் ட்விட்டர் பதிவு!

Friday, September 30, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

இந்திய கிரிக்கெட் அணியின் பிரபல பந்து வீச்சாளர் ரவிச்சந்திரன் அஸ்வின் ’பொன்னியின் செல்வன்’ திரைப்படம் தமிழில் ரிலீஸ் ஆகிறதா என்று தனது டுவிட்டர் பக்கத்தில் கேள்வி எழுப்பியுள்ளார்.

மணிரத்னம் இயக்கத்தில் உருவான ’பொன்னியின் செல்வன்’ திரைப்படம் தமிழ் உள்பட ஐந்து மொழிகளில் இன்று வெளியாகி மிகப்பெரிய வரவேற்பை பெற்றுள்ளது என்பது தெரிந்ததே.

இந்த நிலையில் தற்போது இந்தியா மற்றும் தென்ஆப்பிரிக்கா அணிகளுக்கு இடையிலான டி20 கிரிக்கெட் தொடர் நடைபெற்று வரும் நிலையில் 2வது டி20 கிரிக்கெட் போட்டி கவுகாத்தியில் நடைபெற உள்ளது. இதனை அடுத்து இந்திய அணி வீரர்கள் அசாம் மாநிலத்தில் உள்ள கவுகாத்தியில் தற்போது பயிற்சி பெற்று வருகின்றனர்.

இந்த நிலையில் ரவிச்சந்திரன் அஸ்வின் தனது ட்விட்டர் பக்கத்தில் கவுகாத்தியில் உள்ள ஏதாவது திரையரங்கில் ’பொன்னியின் செல்வன்’ திரைப்படம் தமிழில் ரிலீஸ் ஆகிறதா? என்று கேட்டுள்ளார். அதற்கு ட்விட்டர் பயனாளி ஒருவர் கவுகாத்தியில் உள்ள ஒரு திரையரங்கில் நாளை மதியம் 1.10 மணி காட்சி பொன்னியின் செல்வன் திரைப்படம் தமிழில் வெளியாக உள்ளது என்று கூறியுள்ளார்.

ஆனால் அதற்கு பதிலளித்த அஸ்வின், ‘அந்த நேரத்தில் எனக்கு அணியின் பயிற்சி இருக்கும் என்றும் வேறு ஏதாவது நேரங்களில் ’பொன்னியின் செல்வன்’ படம் தமிழில் ரிலீஸ் ஆகிறதா என்பதை சொல்லுங்கள் என்று கேட்டுள்ளார். அவருடைய இந்த பதிவு தற்போது வைரலாகி வருகிறது.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.