விஷ்ணு விஷால் மற்றும் ராம்குமார் இணைந்த ’ராட்சசன்’ திரைப்படம் மிகப்பெரிய வெற்றி பெற்ற நிலையில், இதே கூட்டணி மீண்டும் இணைந்து ஒரு படத்தை உருவாக்கி வருகிறது. இந்த படத்தின் படப்பிடிப்பும் விறுவிறுப்பாக நடைபெற்று வரும் நிலையில், சற்றுமுன் படத்தின் டைட்டில் உடன் கூடிய ஃபர்ஸ்ட் லுக் போஸ்டரை படக்குழுவினர் வெளியிட்டுள்ளனர்.

இந்த படத்தை தயாரித்து வரும் சத்யஜோதி பிலிம்ஸ் நிறுவனம், தனது சமூக வலைதளத்தில் இந்த படத்திற்கு "இரண்டு வானம்" என்ற டைட்டில் வைக்கப்பட்டுள்ளதாக அறிவித்து, பர்ஸ்ட் லுக் போஸ்டரை வெளியிட்டுள்ளது. இந்த போஸ்டர் தற்போது இணையத்தில் வைரலாகி வருகிறது.

விஷ்ணு விஷால் ஜோடியாக மமீதா பாஜூ நடிக்கும் இந்த படத்திற்கு திபு நினன் தாமஸ் இசையமைக்கிறார். தினேஷ் பாபு ஒளிப்பதிவில், லோகேஷ் படத்தொகுப்பில் உருவாகி வரும் இந்த படம், ’ராட்சசன்’ போலவே மிகப்பெரிய வெற்றி அடையும் என்று எதிர்பார்க்கப்படுகிறது.

இதனை அடுத்து, படக்குழுவினர்களுக்கு ரசிகர்கள் தங்களுடைய வாழ்த்துக்களை தெரிவித்து வருகின்றனர்.

Elated to present you all 'IRANDU VAANAM' from your beloved combo of Vishnu Vishal & director Ramkumar after Mundasupatti & Ratsasan.Starring the talented & the sensational Mamitha Baiju💚

A Dhibu Ninan Thomas Musical 🎶@TheVishnuVishal @_mamithabaiju @dir_ramkumar… pic.twitter.com/GN4X4SJz1r

— Sathya Jyothi Films (@SathyaJyothi) March 15, 2025