சூப்பர் ஸ்டார் ரஜினிகாந்த், தளபதி விஜய், தனுஷ் , விக்ரம் உள்ளிட்ட பல பிரபலங்களுடன் நடித்த நடிகைக்கு இரண்டாவது ஆண் குழந்தை பிறந்துள்ளது. இதுகுறித்த புகைப்படத்தையும் குழந்தையின் பேரையும் அவர் தனது இன்ஸ்டாகிராம் பக்கத்தில் பதிவு செய்துள்ளார்.

சூப்பர் ஸ்டார் ரஜினிகாந்த் நடித்த ’2.0’, தளபதி விஜய் நடித்த ’தெறி’, தனுஷ் நடித்த ’தங்க மகன்’, விக்ரம் நடித்த ’தாண்டவம்’ ‘ஐ’ உள்ளிட்ட பல திரைப்படங்களில் நடித்த எமி ஜாக்சன், கடந்த ஆண்டு வெளியான ’மிஷன்: சாப்டர் ஒன்’ திரைப்படத்தில் நடித்திருந்தார். இந்த படம் நல்ல வரவேற்பை பெற்றது.

எமி ஜாக்சனுக்கு ஏற்கனவே ஒரு ஆண் குழந்தை இருந்த நிலையில், தற்போது இரண்டாவது ஆண் குழந்தை பிறந்த தகவலை தனது இன்ஸ்டாகிராம் பக்கத்தில் பகிர்ந்து உள்ளார். அந்தக் குழந்தைக்கு அவர் "ஆஸ்கர் அலெக்சாண்டர்" என பெயரிட்டுள்ளார். இதுகுறித்த பதிவு தற்போது இணையத்தில் வைரலாகி வருகிறது.

முன்னதாக, ஜார்ஜ் என்பவரை எமி ஜாக்சன் திருமணம் செய்த நிலையில், இந்த தம்பதிக்கு ஒரு ஆண் குழந்தை பிறந்தது. பின்னர், 2021ஆம் ஆண்டு தனது கணவரை விவாகரத்து செய்த அவர், ஹாலிவுட் நடிகர் எட் வெஸ்விக் என்பவரை காதலித்து திருமணம் செய்து கொண்டார்.

இந்த நிலையில், கடந்த சில மாதங்களுக்கு முன்பு கர்ப்பமாக இருந்த எமி ஜாக்சனுக்கு தற்போது மீண்டும் ஆண் குழந்தை பிறந்துள்ளது. ரசிகர்கள் அவருக்கு வாழ்த்துக்களை தெரிவித்து வருகின்றனர்.

View this post on Instagram

A post shared by Ed Westwick (@edwestwick)