close
Choose your channels

కరోనా నుంచి కోలుకుని డిశ్చార్జ్ అయిన హీరో రాజశేఖర్

Monday, November 9, 2020 • తెలుగు Comments

కరోనా నుంచి కోలుకుని డిశ్చార్జ్ అయిన హీరో రాజశేఖర్

ఇటీవల కరోనా బారిన పడిన హీరో రాజశేఖర్ నేడు డిశ్చార్జ్ అయ్యారు. గత కొద్ది రోజులుగా ఆయన కరోనాకు హైదరాబాద్‌లోని సిటీ న్యూరో హాస్పిటల్‌లో చికిత్స పొందుతున్నారు. తాజాగా ఆయన ఆరోగ్యం పూర్తిగా కుదుట పడటంతో సోమవారం వైద్యులు ఆయనను డిశ్చార్జ్ చేశారు. ఉదయం రాజశేఖర్‌ కుమార్తె శివాత్మిక ''నాన్నగారి ఆరోగ్యం స్లోగా మెరుగవుతోంది.. కచ్చితంగా ఆయన కోలుకుంటారు. నాన్న కోసం ప్రార్థనలు చేసిన ప్రతి ఒక్కరికి ధన్యవాదాలు' అని ట్విట్టర్ వేదికగా తెలిపింది.

కరోనా నుంచి కోలుకుని డిశ్చార్జ్ అయిన హీరో రాజశేఖర్

శివాత్మిక ట్వీట్ చేసిన కొన్ని గంటల్లోనే రాజశేఖర్ డిశ్చార్జ్ అయ్యారు. దీంతో ఆయన అభిమానులు సంతోషం వ్యక్తం చేస్తున్నారు. సిటి న్యూరో సెంటర్‌ సిబ్బందికి, డాక్టర్‌ కృష్ణకు జీవిత ధన్యవాదాలు తెలిపారు. నెలరోజుల పాటు రాజశేఖర్ వద్దే తాము ముగ్గురం ఉన్నప్పటికీ ఎలాంటి అభ్యంతరం తెలపలేదని.. ఆస్పత్రి సిబ్బంది తమను కుటుంబ సభ్యుల్లా చూసుకున్నారని జీవిత తెలిపారు. తమకు ఎంతగానో సహకరించిన వైద్యులు సహా వార్డు బాయ్ వరకూ ప్రతి ఒక్కరికీ ధన్యవాదాలు తెలిపారు. అభిమానులు, కుటుంబ సన్నిహితుల ప్రార్థనలు ఫలించి రాజశేఖర్ కోలుకున్నారని జీవిత సంతోషం వ్యక్తం చేశారు.

Get Breaking News Alerts From IndiaGlitz