close
Choose your channels
siren
lal_salaam

ராகவா லாரன்ஸ் பட இயக்குனர் சாலை விபத்தில் திடீர் மரணம்.. அதிர்ச்சியில் திரையுலகினர்..!

Tuesday, November 7, 2023 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

நடிகர் மற்றும் இயக்குனர் ராகவா லாரன்ஸ் முதல் முறையாக ஹீரோவாக நடித்த திரைப்படத்தை இயக்கிய இயக்குனர் சாலை விபத்தில் மரணமடைந்த தகவல் திரையுலகினர்களை அதிர்ச்சியடைய செய்துள்ளது.

நடிகர் மற்றும் இயக்குனர் ராகவா லாரன்ஸ் கடந்த 2002 ஆம் ஆண்டு ஹீரோவாக அறிமுகமான திரைப்படம் ’அற்புதம்’. சூப்பர் குட் பிலிம்ஸ் நிறுவனம் தயாரித்த இந்த படத்தை அற்புதன் என்பவர் இயக்கி இருந்தார்.

ராகவா லாரன்ஸ், குணால், பிரமிட் நடராஜன், லிவிங்ஸ்டன், லாவண்யா, நந்திதா உள்பட பலர் இந்த படத்தில் நடித்திருந்தனர். இந்த படத்தை இயக்கிய அற்புதன் சமீபத்தில் சாலை விபத்தில் படுகாயம் அடைந்து மருத்துவமனையில் அனுமதிக்கப்பட்டிருந்தார்.

இந்த நிலையில் மருத்துவமனையில் சிகிச்சை பெற்று வந்த அற்புதன், சிகிச்சையின் பலன் இன்றி சற்றுமுன் உயிரிழந்துள்ளதாக தகவல் வெளியாகியுள்ளது. மறைந்த இயக்குனர் அற்புதன் அவர்களுக்கு வயது 52. ’அற்புதம்’ படத்தை அடுத்து ’மனதோடு மழைக்காலம்’ ’செய்யவே சிறுகாளி’ ஆகிய படங்களையும் இவர் இயக்கியிருந்தார்.

இந்த நிலையில் சாலை விபத்தில் மரணம் அடைந்த அற்புதன் மறைவுக்கு திரையுலகினர் இரங்கல் தெரிவித்து வருகின்றனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.