விஜய்யின் தமிழக வெற்றிக்கழகம் கட்சி உடன் அண்டை மாநிலத்தில் உள்ள ஆளும் கட்சி வரும் 2026 ஆம் ஆண்டு நடைபெறும் தேர்தலில் கூட்டணியில் சேரும் என்று கூறப்படுவது தமிழக அரசியலில் பரபரப்பை ஏற்படுத்தியுள்ளது.

தளபதி விஜய் கடந்த வருடம் பிப்ரவரி மாதம் தமிழக வெற்றிக்கழகம் என்ற அரசியல் கட்சியை தொடங்கி இருக்கும் நிலையில், அடுத்த ஆண்டு நடைபெறும் சட்டமன்ற தேர்தலில் இந்த கட்சி அனைத்து தொகுதிகளிலும் போட்டியிடும் என்று கூறப்பட்டு வருகிறது.

மேலும், தற்போது தளபதி விஜய், எச் வினோத் இயக்கத்தில் உருவாகி வரும் படத்தில் நடித்துக் கொண்டிருக்கும் நிலையில், அந்த படத்தின் படப்பிடிப்பை முடித்தவுடன் முழு நேர அரசியலில் ஈடுபட போகிறார் என்பதும், முதல் கட்டமாக அவர் தமிழகம் முழுவதும் சுற்றுப்பயணம் செய்ய இருப்பதாகவும் கூறப்படுகிறது.

இந்த நிலையில், தமிழகத்தின் அண்டை மாநிலங்களில் ஒன்றான புதுச்சேரியில் ஆளும் கட்சியாக இருக்கும் என்ஆர் காங்கிரஸ், 2026 ஆம் ஆண்டு தமிழகத்தில் நடைபெறும் சட்டமன்ற தேர்தலில் போட்டியிடும் என்று நேற்று கட்சியின் ஆண்டு விழா கூட்டத்தில் அக்கட்சியின் தலைவரும் புதுவை முதல்வருமான ரங்கசாமி கூறியுள்ளார்.

ஏற்கனவே, புதுவை முதல்வர் ரங்கசாமி மற்றும் விஜய் ஆகிய இருவருக்கும் இடையே நல்ல நட்பு இருப்பதாகவும், இருவரும் அவ்வப்போது சந்தித்துக் கொண்டிருப்பதாகவும், ரங்கசாமியின் ஆலோசனையால் தான் விஜய் கட்சி தொடங்கியதாகவும் கூறப்படுகிறது.

ஒருவேளை என்ஆர் காங்கிரஸ் தமிழகத்தில் போட்டியிட்டால், அந்த கட்சி விஜய்யின் தமிழக வெற்றிக்கழகத்துடன் இணைந்து போட்டியிட அதிக வாய்ப்பு இருப்பதாக கூறப்படுவது, மேலும் பரபரப்பை ஏற்படுத்தியுள்ளது.