அஸ்வத் மாரிமுத்து இயக்கத்தில், பிரதீப் ரங்கநாதன் நடிப்பில், ஏஜிஎஸ் நிறுவனத்தின் தயாரிப்பில் உருவாகியுள்ள "டிராகன்" திரைப்படம் வரும் 21ஆம் தேதி திரையரங்குகளில் வெளியாக உள்ளது. இந்நிலையில் இந்த படத்தின் சென்சார் தகவல், ரன்னிங் டைம் குறித்த தகவல் வெளியாகியுள்ளது.

ஜெயம் ரவி நடித்த "கோமாளி" திரைப்படத்தின் மூலம் இயக்குநராக அறிமுகமான பிரதீப் ரங்கநாதன், அதன் பின்னர் "லவ் டுடே" என்ற படத்தை இயக்கி, அதில் ஹீரோவாகவும் நடித்தார். வெறும் 5 கோடி ரூபாய் பட்ஜெட்டில் உருவான அந்த படம் 100 கோடி ரூபாய் வசூல் செய்தது என்பது தெரிந்ததே.

இந்த நிலையில், பிரதீப் ரங்கநாதன் நடிக்கும் இரண்டாவது படம் "டிராகன்" வரும் 21ஆம் தேதி வெளியாக இருப்பதால், படத்தின் புரமோஷன் பணிகள் விறுவிறுப்பாக நடைபெற்று வருகின்றன.

இதனிடையே, "டிராகன்" படத்தின் சென்சார் தகவல் மற்றும் ரன்னிங் டைம் குறித்த தகவல்களும் வெளியாகியுள்ளன.

சென்சார் அதிகாரிகள் இப்படத்திற்கு "U/A" சான்றிதழ் வழங்கியுள்ளனர். மேலும், படத்தின் மொத்த ரன்னிங் டைம் 155 நிமிடங்கள், அதாவது 2 மணி நேரம் 35 நிமிடங்கள் எனவும் தகவல்கள் வெளியாகி உள்ளன.