close
Choose your channels
NMM
NMM

ஓடிடியில் ரிலீஸாகும் பிரபுதேவாவின் அடுத்த படம்: அதிகாரபூர்வ அறிவிப்பு!

Wednesday, November 10, 2021 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

கொரோனா வைரஸ் பாதிப்பு காரணமாக கடந்த பல மாதங்களாக திரையரங்குகள் மூடியிருந்த நிலையில் தற்போது திரையரங்குகளில் திறக்கப்பட்டு 100 சதவீத பார்வையாளர்கள் அனுமதிக்கப்பட்டனர் என்பது தெரிந்ததே. இருப்பினும் சூர்யாவின் ஜெய்பீம், சசிகுமாரின் எம்ஜிஆர் மகன் உள்பட பல முன்னணி நடிகர்களின் படங்கள் ஓடிடியில் தான் ரிலீஸ் ஆகி வருகின்றன என்பது குறிப்பிடத்தக்கது.

அந்தவகையில் பிரபுதேவாவின் அடுத்த படமான ’பொன்மாணிக்கவேல்’ என்ற திரைப்படமும் ஓடிடியில் ரிலீஸ் ஆகவிருப்பதாக அதிகாரபூர்வமாக அறிவிக்கப்பட்டுள்ளது. பிரபுதேவாவின் ’பொன்மாணிக்கவேல்’ படத்தின் படப்பிடிப்பு கடந்த ஒரு ஆண்டுக்கு முன்பே முடிந்து ஒரு சில ரிலீஸ் தேதிகளும் அறிவிக்கப்பட்டு பின்னர் ஒத்திவைக்கப்பட்டன.

இந்த நிலையில் தற்போது இந்த திரைப்படம் டிஸ்னி ஹாட்ஸ்டார் ஓடிடியில் ரிலீசாக இருப்பதாக தயாரிப்பு நிறுவனம் அதிகாரபூர்வமாக அறிவித்துள்ளதூ. மேலும் விரைவில் ரிலீஸ் தேதி அறிவிக்கப்படும் என்று கூறப்படுகிறது. மேலும் இன்று இந்த படத்தின் டிரைலர் ரிலீஸ் ஆக உள்ளதாக அறிவிக்கப்பட்டுள்ளது என்பது குறிப்பிடத்தக்கது.

பிரபுதேவா ஜோடியாக, நிவேதா பெத்துராஜ், சுரேஷ் மேனன், மகேந்திரன், சூரி உள்ளிட்ட பலர் நடித்துள்ள இந்த படம் இமான் இசையில் வெங்கடேஷ் ஒளிப்பதிவில் சிவாநந்தீஸ்வரர் படத்தொகுப்பில் உருவாகியுள்ளது. இந்த படத்தில் பிரபுதேவா முதன்முறையாக போலீஸ் கேரக்டரில் நடித்துள்ளார் என்பது குறிப்பிடத்தக்கது

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.