close
Choose your channels

సీఎం రిలీఫ్ ఫండ్‌కు ప్రభాస్ కోటి విరాళం

Wednesday, October 21, 2020 • తెలుగు Comments

సీఎం రిలీఫ్ ఫండ్‌కు ప్రభాస్ కోటి విరాళం

భారీ వర్షాల కారణంగా హైదరాబాద్‌లోని ప్రతి ప్రాంతంలోని ఎంతో కొంత భాగం నీట మునిగింది. ఇక పాతబస్తీ అయితే చాలా వరకూ జల దిగ్బంధంలో ఉండిపోయింది. సామాన్యులు చాలా ఇబ్బందులను ఎదుర్కొంటున్నారు. వేలాది మంది నిరాశ్రయులయ్యారు. ఎంతో మంది తమ జీవనాధారాన్ని కోల్పోయారు. ఈ నేపథ్యంలో సామాన్య ప్రజానీకానికి తాము అండగా ఉన్నామంటూ టాలీవుడ్‌ సినీ పరిశ్రమ ముందుకొచ్చింది. ఇప్పటికే ఎంతో మంది సినీ ప్రముఖులు తమ వంతు సహాయాన్ని తెలంగాణ సీఎం రిలీఫ్ ఫండ్‌కు అందించారు.

ఈ కష్ట కాలంలో ప్రభుత్వానికి, ప్రజలకు అండగా యంగ్ రెబల్ స్టార్ ప్రభాస్ కూడా తన వంతు సహాయం అందించేందుకు ముందుకొచ్చాడు. తెలంగాణ సీఎం సహాయ నిధికి కోటి రూపాయల విరాళం ప్రకటించి ప్రభాస్ తన పెద్ద మనసును చాటుకున్నాడు. ఇప్పటికే టాలీవుడ్ నుంచి మెగాస్టార్ చిరంజీవి, సూపర్ స్టార్ మహేష్ బాబు, నాగార్జున, జూనియర్ ఎన్టీఆర్, హీరో రామ్, విజయ్ దేవరకొండ, హారిక హాసిని క్రియేషన్స్ దర్శకులు త్రివిక్రమ్, అనిల్ రావిపూడి, నిర్మాత బండ్ల గణేష్ తదితరులు విరాళాలు ప్రకటించిన విషయం తెలిసిందే.

Get Breaking News Alerts From IndiaGlitz