close
Choose your channels

ரஜினியின் வீட்டுக்கு சென்ற பிரபல பாஜக பிரமுகர்! தமிழக அரசியலில் பரபரப்பு

Thursday, November 7, 2019 • தமிழ் Comments

சூப்பர் ஸ்டார் ரஜினிகாந்த் அவர்கள் விரைவில் அரசியல் கட்சி தொடங்க இருப்பதால் அவரை அவ்வப்போது பல்வேறு கட்சி தலைவர்கள், பிரமுகர்கள் நேரில் சந்தித்து ஆலோசனை செய்து வருகின்றனர். அந்த வகையில் சமீபத்தில் மத்திய அரசு ரஜினிகாந்த் அவர்களுக்கு கோல்டன் ஜூபிலி விருது வழங்கியதை அடுத்து முன்னாள் மத்திய அமைச்சரும் பாஜக பிரமுகருமான பொன் ராதாகிருஷ்ணன் அவர்கள் ரஜினியின் போயஸ் தோட்ட இல்லத்திற்கு நேரில் சென்று அவருக்கு வாழ்த்து தெரிவித்தார். இந்த சந்திப்பின் போது இருவரும் தமிழக அரசியல் நிலவரம் குறித்து பேசியதாக கூறப்படுகிறது.

பாஜகவின் ஆதரவாளராக ரஜினிகாந்த் செயல்பட்டு வருவதாக ஒருசிலர் குற்றம் சாட்டி வரும் நிலையில் பாஜக பிரமுகர் ஒருவர் ரஜினியின் வீட்டுக்கே நேரில் சென்று வாழ்த்து தெரிவித்திருப்பது தமிழக அரசியலில் பரபரப்பை ஏற்படுத்தியுள்ளது.

இந்த சந்திப்பு குறித்து பொன் ராதாகிருஷ்ணன் அவர்கள் தனது சமூக வலைத்தள பக்கத்தில் கூறியதாவது, ‘50 வது சர்வதேச திரைப்பட விழாவில் வழங்கப்படும் ஐகான் கோல்டன் விருதுக்காக தேர்ந்தெடுக்கப்பட்ட சூப்பர் ஸ்டார் ரஜினிகாந்த் அவர்களை நேரில் சந்தித்து எனது மனப்பூர்வமான வாழ்த்துக்களை தெரிவித்தேன். அவர் இன்னும் பல சாதனைகள் புரிய எல்லாம் வல்ல அன்னை சக்தியை பிரார்த்திக்கின்றேன்’ என்று கூறியுள்ளார்.

Get Breaking News Alerts From IndiaGlitz