உதயநிதி ஸ்டாலின் நடிப்பில் இயக்குனர் சீனுராமசாமி இயக்கிய 'கண்ணே கலைமானே' திரைப்படம் வெகுவிரைவில் வெளியாகவுள்ளது. இந்த நிலையில் அவர் தற்போது மிஷ்கின் இயக்கத்தில் 'சைகோ' என்ற படத்தில் நடித்து வருகிறார். இந்த படத்தில் உதயநிதிக்கு ஜோடியாக அதிதிராவ் ஹைதி நடித்து வருகிறார்.

இந்த நிலையில் உதயநிதி நடிக்கவுள்ள இன்னொரு படம் குறித்த தகவல்கள் வெளிவந்துள்ளது. இந்த படத்திற்கு 'ஏஞ்சல்' என்ற டைட்டில் வைக்கப்பட்டுள்ளது. இந்த படத்தில் உதயநிதிக்கு ஜோடியாக பாயல் ராஜ்புத் மற்றும் 'கயல்' ஆனந்தி ஆகிய இரண்டு நாயகிகள் நடிக்கவுள்ளனர். பாயல் ராஜ்புத் சமீபத்தில் தெலுங்கில் சூப்பர் ஹிட்டான 'ஆர்.எக்ஸ் 100' என்ற படத்தில் நடித்தவர் என்பது குறிப்பிடத்தக்கது.

'ஏஞ்சல்' படத்தை கே.எஸ்.அதியமான் இயக்கவுள்ளார். இவர் ஏற்கனவே ‘தொட்டாசிணுங்கி’, ‘சொர்ணமுகி’, ‘பிரியசகி’, ‘தூண்டில்’ போன்ற படங்களை இயக்கியவர் என்பது குறிப்பிடத்தக்கது. டி.இமான் இசையில் கவியரசு ஒளிப்பதிவில் ஜீவன் படத்தொகுப்பில் உருவாகும் இந்த படத்தின் பெரும்பாலான காட்சிகள் வெளிநாட்டில் படமாக்கப்படவுள்ளது என்பது குறிப்பிடத்தக்கது.