close
Choose your channels

'ఆర్‌ఆర్‌ఆర్‌'కు ఓవర్‌ సీస్‌ డిస్ట్రిబ్యూషన్‌ సమస్య?

Wednesday, March 3, 2021 • తెలుగు Comments

ఆర్‌ఆర్‌ఆర్‌కు ఓవర్‌ సీస్‌ డిస్ట్రిబ్యూషన్‌ సమస్య?

దర్శకుధీరుడు రాజ‌మౌళి ద‌ర్శ‌క‌త్వంలో తెర‌కెక్కుతోన్న భారీ చిత్రం ‘రౌద్రం రణం రుధిరం(ఆర్ఆర్ఆర్)‌’. ఈ ఫిక్ష‌నల్ పీరియాడిక‌ల్ డ్రామాలో కొమురం భీమ్‌గా యంగ్‌ టైగర్‌ ఎన్టీఆర్‌, అల్లూరి సీతారామ‌రాజు పాత్ర‌లో మెగాప‌వ‌ర్‌స్టార్ రామ్‌చ‌ర‌ణ్ న‌టిస్తున్న సంగతి తెలిసిందే. వీరితో పాటు అజ‌య్ దేవ‌గ‌ణ్‌, ఆలియాభ‌ట్ వంటి బాలీవుడ్ స్టార్స్‌, రే స్టీవెన్ స‌న్‌, అలిస‌న్ డూడీ వంటి హాలీవుడ్ స్టార్స్ కూడా ఇందులో న‌టిస్తున్నారు. ఈ ఏడాది అక్టోబర్‌ 13న దసరా సందర్భంగా సినిమాను విడుదల చేయడానికి రాజమౌళి అండ్‌ టీమ్‌ తలమునకలై షూటింగ్‌ను పూర్తి చేస్తున్నారు. ప్రస్తుతం క్లైమాక్స్‌ షూటింగ్‌ శరవేగంగా జరుగుతోంది.

సినిమాపై ఉన్న క్రేజ్‌తో అన్నీ ఏరియాలకు ఫ్యాన్సీ ఆఫర్స్‌ వస్తున్నాయి. ఇప్పటికే చాలా ఏరియాల హక్కులను నిర్మాత ఫైనల్‌ చేసేసినట్లు సమాచారం. తాజా సమాచారం మేరకు ఓవర్‌సీస్‌ హక్కుల విషయంలో ఓవర్‌సీస్‌ బయ్యర్‌కు, యు.ఎస్‌ డిస్ట్రిబ్యూటర్‌కు మధ్య మనస్పర్ధలు నెలకొన్నాయని.. ఎంతలా అంటే లీగల్‌ సమస్యలు ఎదురయ్యే అవకాశం ఉందని కూడా వార్తలు నెట్టింట హల్‌చల్‌ చేస్తున్నాయి. అయితే రాజమౌళి అండ్‌ టీమ్‌ అంత వరకు వెళ్లనీయదని సమస్యను క్లియర్‌ చేసేస్తారని అంటున్నారు.

Get Breaking News Alerts From IndiaGlitz