ஒவ்வொரு வாரமும் சன் டிவி, விஜய் டிவி, ஜீ டிவி ஆகியவற்றில் ஒளிபரப்பாகும் சீரியல்களின் டிஆர்பி ரேட்டிங் தகவல்கள் வியாழக்கிழமை வெளியாகி வருகின்றன. இன்று வெளியான தகவலின்படி, சன் டிவி வழக்கம்போல ஆதிக்கம் செலுத்தினாலும், விஜய் டிவியின் இன்னொரு சீரியல் டாப் 10க்குள் வந்துள்ளது என்பது ஆச்சரியமான விஷயமாக பார்க்கப்படுகிறது. மேலும், பலருடைய வரவேற்பை பெற்ற ‘ராமாயணா’ தொடர், டாப் 10 இடங்களில் இருந்து வெளியேறி உள்ளது என்பது குறிப்பிடத்தக்கது.

இந்த வார டிஆர்பியில், சன் டிவி தொடர்களான ’சிங்க பெண்ணே’, ’மூன்று முடிச்சு’, ’கயல்’, மற்றும் ’மருமக’ள் ஆகிய நான்கு தொடர்கள் முதல் நான்கு இடங்களை பிடித்துள்ளன.

ஐந்தாவது இடத்தில் விஜய் டிவியின் ’சிறகடிக்க ஆசை’ உள்ளது. ஆறாவது இடத்தில் மீண்டும் சன் டிவியின் ’எதிர்நீச்சல் 2’ மற்றும் 7வது இடத்தில் ‘அன்னம்’ ஆகிய தொடர்கள் இடம்பிடித்துள்ளன.

8வது இடத்தில் விஜய் டிவியில் அதிரடியாக ’சின்ன மருமகள்’ நுழைந்துள்ளது. கடந்த சில வாரங்களாகவே இந்த தொடர் அதிக பார்வையாளர்களைப் பெற்றதாக கூறப்படுகிறது. தற்போது டாப் 10 எண்ணுக்குள் வந்துள்ளது என்பது மகிழ்ச்சியான செய்தியாகும்.

ஒன்பதாவது இடத்தில் விஜய் டிவியின் ’பாக்கியலட்சுமி’, 10வது இடத்தில் ஜீ டிவியின் ’கார்த்திகை தீபம்’ உள்ளது. இந்த வாரம் மட்டும் ’சிறகடிக்க ஆசை’, ’சின்ன மருமகள்’, ’பாக்கியலட்சுமி’ என மூன்று விஜய் டிவி தொடர்கள் டாப் 10-ல் இடம் பிடித்துள்ளன என்பது குறிப்பிடத்தக்கது.