close
Choose your channels

తార‌క్ అన్నీ భాష‌ల్లో డ‌బ్బింగ్ చెబుతాడు..!

Saturday, March 28, 2020 • తెలుగు Comments

తార‌క్ అన్నీ భాష‌ల్లో డ‌బ్బింగ్ చెబుతాడు..!

‘రౌద్రం ర‌ణం రుధిరం’ సినిమాపై భారీ అంచ‌నాలున్నాయి. అందుకు ప్ర‌త్యేక కార‌ణాలు చెప్ప‌న‌క్క‌ర్లేదు. ‘బాహుబ‌లి’ సినిమా త‌ర్వాత రాజ‌మౌళి ద‌ర్శ‌క‌త్వంలో తెర‌కెక్కుతోన్న చిత్ర‌మిది. టాలీవుడ్ టాప్ స్టార్స్ ఎన్టీఆర్‌, రామ్‌చ‌ర‌ణ్ కాంబినేష‌న్‌లో రూపొందుతోన్న చిత్ర‌మిది. అలాగే బాలీవుడ్ స్టార్స్ అజ‌య్ దేవ‌గ‌ణ్‌, ఆలియా భ‌ట్ స‌హా హాలీవుడ్ తార‌లు రే స్టీవెన్ స‌న్‌, అలిస‌న్ డూడీ, ఒలివియా మోరిస్ త‌దిత‌రులు న‌టిస్తున్నారు. ఉగాదికి విడుద‌లైన మోష‌న్ పోస్ట‌ర్స్ క్రియేట్ చేసిన బ‌జ్ త‌గ్గ‌క ముందే రామ్‌చ‌ర‌ణ్ పుట్టిన‌రోజు సంద‌ర్భంగా విడుద‌ల చేసిన వీడియో సెన్సేష‌న్ క్రియేట్ చేస్తోంది.

అల్లూరి సీతారామ‌రాజు పాత్ర‌లో రామ్‌చ‌ర‌ణ్ ఎలా ఉండ‌బోతున్నాడ‌నే వీడియోను కొమురం భీమ్ పాత్ర‌లో న‌టిస్తోన్న తార‌క్ విడుద‌ల చేయ‌డం విశేషం. తెలుగు, త‌మిళ‌, హిందీ, మ‌ల‌యాళ‌, క‌న్న‌డ భాష‌ల్లో విడుద‌ల చేశారు. అన్నీ వెర్ష‌న్స్‌లో డైలాగ్స్‌ను తార‌క్ చెప్ప‌డం విశేషం. మ‌రి సినిమా పూర్త‌యిన త‌ర్వాత అన్నీ భాష‌ల్లో పూర్తి డ‌బ్బింగ్‌ను తార‌క్ చెప్పేలాగానే ఉన్నాడ‌నిపిస్తుంది. జ‌క్క‌న్న ఇద్ద‌రి పాత్ర‌ల‌ను అద్భుతంగా మ‌లుస్తున్నాడని ఈ వీడియో చూస్తే తెలుస్తుంది. వ‌చ్చే ఏడాది సంక్రాంతి సంద‌ర్భంగా జ‌న‌వ‌రి 8న ఈ చిత్రాన్ని విడుద‌ల చేస్తున్నారు.

Get Breaking News Alerts From IndiaGlitz