close
Choose your channels

ఆసక్తికర అంశాలతో ‘నిశ్శబ్దం’ ట్రైలర్ విడుదల..

Monday, September 21, 2020 • తెలుగు Comments

ఆసక్తికర అంశాలతో ‘నిశ్శబ్దం’ ట్రైలర్ విడుదల..

అనుష్క ఒక ఛాలెంజింగ్ పాత్రలో నటించిన చిత్రం ‘నిశ్శబ్దం’. ఈ చిత్రంలో మాధవన్ మరో కీలక పాత్రను పోషించారు. హేమంత్ మధుకర్ దర్శకత్వంలో తెరకెక్కిన ఈ చిత్రాన్ని పీపుల్స్ మీడియా ఫ్యాక్టరీ, కోన ఫిల్మ్ కార్పొరేషన్ పతాకంపై టీజీ విశ్వప్రసాద్, వివేక్ కూచిభొట్ల నిర్మిస్తున్నారు. గోపీ సుందర్ సంగీతం అందించారు. ఈ చిత్రానికి సంబంధించిన ట్రైలర్‌ను నేడు రానా దగ్గుబాటి అభిమానులతో పంచుకున్నారు.

అనుష్క ఈ చిత్రంలో ఓ మూగ పెయింటర్‌గా నటించారు. ఒక పెయింటింగ్ కోసం అనుష్క, మాధవన్ వాంటెడ్ హౌస్‌కి వెళతారు. అక్కడ అనుష్క, మాధవన్ ఎదుర్కొనే ఊహించని పరిణామాలు.. అనుష్క బెస్ట్ ఫ్రెండ్ సొనాలి(షాలిని పాండే) కనిపించకుండా పోవడం.. సోనాలి కనిపించకుండా పోవడానికి కారణాలు ఏంటి? తదితర ఆకట్టుకునే అంశాలతో ఈ సినిమా చాలా ఆసక్తికరంగా తెరకెక్కినట్టు తెలుస్తోంది.

ఈ సినిమా తెలుగుతో పాటు.. తమిళ, మలయాళ భాషల్లో చిత్రాన్ని ప్రేక్షకుల ముందుకు తీసుకు రానున్నారు. పలు కీలక పాత్రల్లో సుబ్బరాజు, మాడిసన్, మైఖేల్ తదితరులు నటిస్తున్నారు. నిజానికి ఈ చిత్రం వేసవిలో విడుదల కావాల్సి ఉంది. థియేటర్లు ఎప్పుడు తెరుచుకుంటాయో తెలియక పోవడంతో ఈ చిత్రం అక్టోబర్ 2న ఓటీటీలో విడుదల కావాల్సి ఉంది. ఓటీటీలో విడుదలవుతున్న రెండో పెద్ద చిత్రంగా ‘నిశ్శబ్దం’ నిలవనుంది.

Get Breaking News Alerts From IndiaGlitz