close
Choose your channels

సింగర్ సునీతను లైవ్‌లో వాట్సాప్ నంబర్ అడిగిన నెటిజన్..

Monday, May 10, 2021 • తెలుగు Comments

సింగర్ సునీతను లైవ్‌లో వాట్సాప్ నంబర్ అడిగిన నెటిజన్..

ప్రముఖ సింగర్ సునీత ఈ మధ్య కాలంలో సోషల్‌ మీడియాలో చాలా యాక్టివ్‌ అయ్యారు. కరోనా సెకండ్ వేవ్ తీవ్ర స్థాయిలో విస్తరిస్తున్న తరుణంలో తనవంతు సాయంగా ఓ వినూత్న కార్యక్రమానికి ఆమె శ్రీకారం చుట్టారు. దీనిలో భాగంగానే.. ప్రతిరోజు రాత్రి ఓ అరగంట పాటు అభిమానులకు ఇష్టమైన పాటలు పాడుతూ అందరికీ కొంచెం రిలీఫ్ కలిగించేందుకు యత్నిస్తున్నారు. ఇన్‌స్టా లైవ్‌లో ప్రతిరోజూ రాత్రి ఎనిమిది గంటల నుంచి 30 నిమిషాలపాటు నెటిజన్లు కోరిన పాటలు పాడుతూ అలరిస్తున్నారు. ఇలాంటి క్లిష్ట పరిస్థితుల్లో తన పాటలతో రిలీఫ్‌ పొందుతున్నామని అంటున్నారని, అందుకే ప్రతిరోజూ లైవ్‌కి వస్తానని తెలిపారు.

నెటిజన్లకు ఇష్టమైన పాటలు పాడుతూనే సునీత.. అభిమానులు అడిగే ప్రశ్నలకు సైతం సమాధానం చెబుతూ వస్తున్నారు. కాగా.. కరోనా సెకండ్‌ వేవ్‌ కారణంగా షూటింగ్‌కి వెళ్లలేకపోతున్నానని ఆమె తెలిపారు. వ్యక్తిగత, కుటుంబ రక్షణలో భాగంగా తాను ఇంటికే పరిమతం అయ్యానని చెప్పారు. అయితే, కరోనా నేపథ్యంలో అందరికీ కొంచెం రిలీఫ్ కలిగించేందుకు లైవ్ ఇన్‌స్టాగ్రాం ద్వారా లైవ్‌లోకి వస్తున్నానని తెలిపారు. అత్యవసరమైన పనులు లేకపోతే ఇంటిపట్టునే ఉండాలని అభిమానులను కోరారు. కాగా... నిన్న మదర్స్‌ డే సందర్భంగా ఓ పాట పాడమని నెటిజన్‌ అడగ్గా సునీత ఎమోషనల్‌ అయ్యారు. అనంతరం అమ్మకు సంబంధించిన పాటలు పాడి అలరించారు.

కాగా.. సునీత పాటలు పాడుతుండగానే మరో నెటిజన్‌.. వాట్సాప్‌ నెంబర్‌ చెప్పమని అడిగాడు. దీనికి సో సారీ అండీ అంటూ నవ్వుతూనే సున్నితంగా తిరస్కరించారు. అనంతరం ఆసుపత్రుల్లో ప్రస్తుతం పరిస్థితి చాలా దారుణంగా ఉందని, బెడ్స్‌ దొరక్క ఎంతోమంది అవస్థలు పడుతున్నారని తెలిపారు. కాబట్టి అందరూ జాగ్రత్తలు పాటించాలని అత్యవసరమైతే తప్ప.. ఎవరకూ బయటకు రావొద్దని సూచించారు. తాను కూడా కుటుంబ రక్షణలో భాగంగా తాను ఇంటికే పరిమతం అయ్యానని చెప్పారు.

Get Breaking News Alerts From IndiaGlitz