லேடி சூப்பர் ஸ்டார் நயன்தாரா நடித்த 3 திரைப்படங்கள் இந்த ஆண்டு வெளியாகி உள்ள நிலையில் மேலும் ஒரு திரைப்படத்தின் ரிலீஸ் தேதி குறித்த தகவல் தற்போது வெளியாகி உள்ளது.

நடிகை நயன்தாரா நடித்த ’காத்துவாக்குல ரெண்டு காதல்’, 'O2’ மற்றும் ’காட்பாதர்’ ஆகிய மூன்று திரைப்படங்கள் அடுத்தடுத்து வெளியாகி நல்ல வரவேற்பை பெற்றது என்பது தெரிந்ததே.

இந்நிலையில் நயன்தாரா நடித்த மலையாள திரைப்படமான ’கோல்ட்’ என்ற திரைப்படத்தின் ரிலீஸ் தேதி டிசம்பர் 2 என தகவல்கள் வெளியாகியுள்ளன. தமிழ் மற்றும் மலையாளத்தில் உருவாகியுள்ள இந்த படத்தில் நாயகனாக பிரித்திவிராஜ் நடித்துள்ளார்.

பிரபல மலையாள இயக்குனர் அல்போன்ஸ் புத்திரன் இயக்கத்தில் உருவாகியுள்ள படம் மிகப்பெரிய வரவேற்பை பெறும் என்று எதிர்பார்க்கப்படுகிறது. ஏற்கனவே இவர் இயக்கிய ’நேரம்’ மற்றும் ‘பிரேமம்’ ஆகிய திரைப்படங்களில் மிகப்பெரிய வெற்றி பெற்றன என்பது தெரிந்ததே.

இந்நிலையில் நயன்தாரா தற்போது ’ஜவான்’, ‘கனெக்ட்’, ‘இறைவன்’ உள்பட 4 படங்களில் நடித்து வருகிறார் என்பதும், இந்த நான்கு படங்களும் அடுத்த ஆண்டு வெளியாகும் என்று எதிர்பார்க்கப்படுகிறது.