நடிகை நயன்தாரா, தனது இரட்டை குழந்தைகளுடன் இருக்கும் போட்டோஷூட் புகைப்படங்களை வெளியிட்டுள்ளார். இதற்கு, "நான் எப்போதுமே என்னுடைய வாழ்க்கையில் உங்கள் இருவரையும் தேர்வு செய்வேன்" என்று கேப்ஷனாக பதிவிட்டுள்ளார். இந்த பதிவு தற்போது இணையத்தில் வைரலாகி வருகிறது.

தமிழ் திரையுலகின் "லேடி சூப்பர் ஸ்டார்" என்று அழைக்கப்படும் நயன்தாரா, இயக்குநர் விக்னேஷ் சிவனை திருமணம் செய்துள்ளார். இவர்கள், வாடகை தாயின் உதவியுடன் இரட்டை ஆண் குழந்தைகளை பெற்றுக் கொண்டனர். இந்த குழந்தைகளின் புகைப்படங்களை நயன்தாரா, அவ்வப்போது தனது சமூக வலைத்தளத்தில் பதிவு செய்து வருகிறார்.

அந்த வகையில் சற்றுமுன், தனது இன்ஸ்டாகிராம் பக்கத்தில் மகன் தனக்கு முத்தம் கொடுக்கும் புகைப்படம் உள்ளிட்ட சில புதிய புகைப்படங்களை பகிர்ந்துள்ளார். இந்த பதிவுக்கு, "நான் எப்போதுமே என் வாழ்க்கையில் உங்கள் இருவரையும் தேர்வு செய்வேன்" என்று எமோஷனல் கேப்ஷன் இடப்பட்டுள்ளது.

இதனை தொடர்ந்து, இந்த பதிவுக்கு ஏராளமான லைக்குகள் மற்றும் கமெண்ட்கள் குவிந்து வருகின்றன. நடிகை குஷ்பு உட்பட, சுமார் 2.5 லட்சத்துக்கும் அதிகமானோர் இந்த புகைப்படத்திற்கு லைக் செய்துள்ளனர். மேலும், ஏராளமான நெட்டிசன்கள் இந்த பதிவின் கீழ் க்யூட் கமெண்ட்ஸ்களை பதிவு செய்து வருகின்றனர்.