நயன்தாரா நடித்த "தி டெஸ்ட்" என்ற திரைப்படம் நேரடியாக நெட்ப்ளிக்ஸ் ஓடிடியில் வரும் ஏப்ரல் 4ஆம் தேதி வெளியாக இருக்கிறது. இந்த நிலையில் இந்த படத்தின் டீசர் வீடியோ சற்று முன் இணையத்தில் வைரல் ஆகி வருகிறது.

இதில் சித்தார்த் சம்பந்தப்பட்ட காட்சிகள் இடம் பெற்றுள்ளன. சித்தார்த் ஒரு கிரிக்கெட் வீரராக இருக்கும் நிலையில், சமீப காலமாக அவரது ஆட்டம் சரியில்லை என்று கூறி அணியில் இருந்து ஒதுக்கி வைக்கின்றனர்.

அப்போது, "நான் இந்த மேட்சில் விளையாடியே ஆக வேண்டும். இந்தியா ஜெயிக்க இன்னொரு சந்தர்ப்பம் வேண்டும்!" என்று கேட்கிறார். அதற்கு, "இந்தியா ஜெயிக்கவா? நீ ஜெயிக்கவா?" என்று கோச் கேட்கிறார்.

போரில் வீரர்கள் சண்டை போடுவது நாட்டை காப்பாற்றவா? இல்ல உயிரை காப்பாற்றவா?" என்று பயிற்சியாளர் கேட்கும் போது, அதிர்ச்சி அடையும் சித்தார்த், அதன் பிறகு, மீண்டும் கிரிக்கெட் விளையாடி, இந்தியாவை எப்படி வெற்றிப் பெறச் செய்தாரா? என்பதுதான் இந்த படத்தின் கதை என தெரிகிறது.

மேலும், சித்தார்த் ஜோடியாக மீரா ஜாஸ்மின் இந்த படத்தில் நடித்துள்ளார் என்பதும் இந்த டீசர் வீடியோவில் இருந்து தெரிய வருகிறது. ஏப்ரல் 4ஆம் தேதி தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் இந்த படம் வெளியாகவுள்ளது. இன்றைய வீடியோ வெளியான பிறகு, இந்த படத்திற்கான எதிர்பார்ப்பு அதிகரித்துள்ளது.