close
Choose your channels

தேர்தல் பிரச்சாரம்: 'வாத்தி கம்மிங்' பாடலுக்கு வானதி ஸ்ரீனிவாசனுடன் நடனமாடிய பிரபல நடிகை!

Saturday, March 27, 2021 • தமிழ் Comments

தேர்தல் பிரச்சாரத்தின்போது கோவை தெற்கு தொகுதி வேட்பாளர் வானதி சீனிவாசன் உடன் ’வாத்தி கம்மிங்’ பாடலுக்கு பிரபல நடிகை ஒருவர் நடனமாடியது பெரும் பரபரப்பை ஏற்படுத்தி உள்ளது.

கோவை தெற்கு தொகுதியில் பாஜக வேட்பாளராக வானதி ஸ்ரீனிவாசன் போட்டியிடுகிறார். இவரை எதிர்த்து மக்கள் நீதி மய்யம் கட்சியின் தலைவர் கமல்ஹாசன் போட்டியிடுகிறார் என்பது குறிப்பிடத்தக்கது. இருவருக்கும் இந்த தொகுதியில் கடும்போட்டி இருப்பதாகவும் இருவரில் யார் வேண்டுமானாலும் வெற்றி பெற வாய்ப்பு இருப்பதாகவும் கூறப்படுகிறது.

இந்த நிலையில் கமல்ஹாசன் மற்றும் வானதி ஸ்ரீனிவாசன் ஆகிய இருவருமே தீவிரமாக தேர்தல் பிரச்சாரம் செய்து வரும் நிலையில் நேற்று வானதி சீனிவாசனுடன் பிரபல நடிகை நமீதா தேர்தல் பிரச்சாரம் செய்தார். இருவரும் வாகனத்தில் பொது மக்களிடம் வாக்கு கேட்டு வந்து இருக்கும்போது திடீரென ’வாத்தி கம்மிங்’ பாடலுக்கு சில இளைஞர்கள் நடனமாடினார்கள். அப்போது வானதி ஸ்ரீனிவாசனும் நடிகை நமிதாவும் வாகனத்திலிருந்து இறங்கி வந்து ’வாத்தி கம்மிங்’ பாடலுக்கு நடனமாடினார்கள். இது குறித்த வீடியோவை வானதி ஸ்ரீனிவாசன் தனது டுவிட்டர் பக்கத்தில் பதிவு செய்துள்ள நிலையில் அந்த வீடியோ தற்போது வைரல் ஆகி வருகிறது.

Get Breaking News Alerts From IndiaGlitz