close
Choose your channels

மோகன்ராஜா இயக்கும் அடுத்த படத்தில் பிரபல நடிகர்!

Monday, January 20, 2020 • தமிழ் Comments

விஜய் நடிக்கவிருக்கும் 65ஆவது படத்தை இயக்கும் இயக்குனர்களின் பட்டியலில் மோகன் ராஜாவும் இருந்ததாக கூறப்பட்ட நிலையில் தற்போது மோகன் ராஜா இயக்க உள்ள அடுத்த படம் குறித்த தகவல்கள் வெளிவந்துள்ளது 

ஆயுஷ்குரானா நடிப்பில் இந்தியில் சூப்பர் ஹிட்டான திரைப்படம் அந்தாதூன். இந்த படத்தின் தமிழ் ரீமேக்கில் நடிக்க தனுஷ், சித்தார்த் உள்பட ஒரு சில முன்னணி நடிகர்கள் ஆர்வம் காட்டினார்கள். இந்த நிலையில் பிரபல நடிகர் பிரசாந்தின் தந்தை தியாகராஜன் அவர்கள் இந்த படத்தின் தமிழ் ரீமேக் உரிமையை சமீபத்தில் பெற்றார். இதனை அடுத்து இந்த படத்தில் பிரசாந்த் ஹீரோவாக நடிக்க இருப்பது உறுதி செய்யப்பட்டது

இந்த நிலையில் அந்தாதூன் படத்தின் தமிழ் ரீமேக்கை இயக்குனர் மோகன் ராஜா இயக்க இருப்பதாகவும் இதுகுறித்த அதிகாரப்பூர்வமான அறிவிப்பு விரைவில் வெளியாகும் என்றும் கூறப்படுகிறது. மேலும் இந்த படத்தில் பிரசாந்துடன் சில முக்கிய நடிகர்கள் நடிக்க இருப்பதாகவும் இது குறித்த தகவல்களும் விரைவில் வெளியாக இருப்பதாக கூறப்படுகிறது. இந்த படத்திற்காக பிரசாந்த் தன்னை உடலளவில் தயார்படுத்தி வருகிறார் என்றும் இதற்காக அவர் சிறப்பு பயிற்சி எடுத்து வருவதாகவும் செய்திகள் வெளியாகியுள்ளது

Get Breaking News Alerts From IndiaGlitz