close
Choose your channels

வரும் 7 ஆம் தேதி முதல்வராகப் பதவியேற்கிறார் மு.க.ஸ்டாலின்!

Monday, May 3, 2021 • தமிழ் Comments

தமிழகத்தின் 234 சட்டமன்றத் தொகுதிகளுக்கான தேர்தல் கடந்த மாதம் ஏப்ரல் 6 ஆம் தேதி நடைபெற்றது. இதற்கான வாக்கு எண்ணிக்கை நேற்று (மே 2) ஆம் தேதி நடைபெற்ற நிலையில் இதில் திமுக கூட்டணி அறுதிப்பெரும்பான்மை இடத்தில் வெற்றிப்பெற்றுள்ளது. இதையொட்டி திமுக 10 ஆண்டுகள் கழித்து தமிழகத்தில் மீண்டும் ஆட்சியைப் பிடிக்க இருக்கிறது.

தமிழகத்தில் 118 இடங்களில் வெற்றிப்பெற்றால் ஆட்சியைப் பிடிக்கலாம் எனும் நிலை இருக்கும்போது திமுக கூட்டணி இத்தேர்தலில் 159 இடங்களில் வெற்றி ஆட்சியைப் பிடித்து இருக்கிறது. இதனால் திமுக தலைவர் மு.க.ஸ்டாலின் முதல் முறையாக தமிழக முதல்வராக பதவியேற்க இருக்கிறார்.

தற்போது கொரோனா நோய்த்தொற்றின் இரண்டாம் அலை தீவிரம் பெற்று இருப்பதால் பதவியேற்பு விழா மிக எளிமையாக இருக்கும் என மு.க.ஸ்டாலின் கூறியிருந்தார். அதோடு நாளை வெற்றிப்பெற்ற தொகுதி வேட்பாளர்களுடன் ஆலோசனைக் கூட்டம் நடத்தப்படும் எனவும் கூறியிருந்தார். இந்நிலையில் முதல்வர் பதவிக்கான பதியேற்பு விழா வரும் மே 7 ஆம் தேதி நடைபெற இருக்கிறது என்றும் இந்த விழா ஆளுநர் மாளிகையில் எளிய முறையில் நடைபெற இருப்பதாகவும் தகவல் வெளியாகி இருக்கிறது.

Get Breaking News Alerts From IndiaGlitz