தளபதி விஜய் நடித்த ’மாஸ்டர்’ தயாரிப்பாளர் சேவியர் பிரிட்டோவின் அடுத்த படத்தின் போஸ்டர் வெளியாகி வைரலாகி வருகிறது.

’வாசுவின் கர்ப்பிணிகள்’ என்ற டைட்டில் வைக்கப்பட்டுள்ள இந்த போஸ்டரில் ‘விஸ்வாசம்’ படத்தில் அஜித் மகளாக நடித்த அனிகா சுரேந்திரன், வனிதா விஜயகுமார் மற்றும் சீதா ஆகியோர் நிறைமாத கர்ப்பிணியாக உள்ளது போல் உள்ளது. மேலும் இந்த போஸ்டரில் விஜய் டிவி ’நீயா நானா’ கோபிநாத் மருத்துவராக நடித்து இருப்பதாகவும் தகவல்கள் வெளியாகி உள்ளது.

ஜீவி பிரகாஷ் நடித்த ’பென்சில்’ என்ற படத்தை இயக்கிய இயக்குனர் மணிநாகராஜ் இந்த படத்தை இயக்கியுள்ளார். அவின் மோகன் சித்தாரா இசையில், பிகே வர்மா ஒளிப்பதிவில், விவேக் ஹர்ஷன் படத்தொகுப்பில் இந்த படம் உருவாகி வருகிறது.

இந்த படத்தின் பர்ஸ்ட் லுக் போஸ்டரை நடிகரும் இசையமைப்பாளருமான விஜய் ஆண்டனி தனது சமூக வலைதளப் பக்கத்தில் வெளியிட்டுள்ள நிலையில் இந்த போஸ்டர் தற்போது வைரலாகி வருகிறது. மேலும் இந்த போஸ்டரில் ‘விரைவில் டெலிவரி’ என குறிப்பிடப்பட்டுள்ளதை அடுத்து இந்த படம் விரைவில் வெளியாகும் என்றும் எதிர்பார்க்கப்படுகிறது.