close
Choose your channels

'மாஸ்டர்' படத்தின் அடுத்தகட்ட படப்பிடிப்பு குறித்த அட்டகாசமான தகவல்!

Tuesday, January 28, 2020 • தமிழ் Comments

தளபதி விஜய் மற்றும் மக்கள் செல்வன் விஜய் சேதுபதி முதன்முறையாக இணைந்து நடித்து வரும் ’மாஸ்டர்’ திரைப்படத்தை லோகேஷ் கனகராஜ் இயக்கி வருகிறார். இந்த படத்தின் படப்பிடிப்பு சென்னை, டெல்லி, ஷிமோகா ஆகிய பகுதிகளில் நடைபெற்று முடிந்த நிலையில் கடந்த சில நாட்களாக சென்னையில் விறுவிறுப்பாக படப்பிடிப்பு நடைபெற்றது. இதில் விஜய் மற்றும் விஜய்சேதுபதி சம்பந்தப்பட்ட காட்சிகள் படமாக்கப்பட்டன தெரிகிறது

இந்த நிலையில் ’மாஸ்டர்’ படத்தின் நீண்ட சென்னை படப்பிடிப்பு முடிந்துவிட்டதாகவும் இதனை அடுத்து படக்குழுவினர் அடுத்த கட்ட படப்பிடிப்பிற்காக விரைவில் நெய்வேலி செல்ல இருப்பதாகவும் கூறப்படுகிறது. நெய்வேலியில் கிளைமாக்ஸ் காட்சிகளுக்கு முந்தைய காட்சிகளின் படப்பிடிப்பு நடைபெற உள்ளதாகவும் இதனை அடுத்து மீண்டும் சென்னை திரும்பும் படக்குழுவினர் கிளைமாக்ஸ் காட்சியை படமாக்க உள்ளதாகவும் அத்துடன் இந்த படத்தின் மொத்த படப்பிடிப்பு நிறைவு பெறும் என்றும் கூறப்படுகிறது

விஜய், மாளவிகா மோகனன், விஜய்சேதுபதி, ஆண்ட்ரியா, சாந்தனு, அர்ஜூன் தாஸ், சஞ்சீவ், ஸ்ரீமான், ரம்யா, கெளரி கிஷான், தீனா உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். சத்யன் சூரியன் ஒளிப்பதிவில், பிலோமினா ராஜ் படத்தொகுப்பில் உருவாகி வரும் இந்த படத்தை விஜய்யின் உறவினர் சேவியர் பிரிட்டோ தயாரித்து வருகிறார். இந்த படம் வரும் ஏப்ரல் மாதம் வெளியாகவுள்ளது

Get Breaking News Alerts From IndiaGlitz