இயக்குனர் பாரதிராஜாவின் மகன் மனோஜ் பாரதிராஜா நேற்று இரவு திடீரென காலமான நிலையில், அவர் ஒரு படத்தில் ரஜினிக்கு டூப்பாக நடித்துள்ளார் என்ற தகவல் சமூக வலைதளங்களில் வைரலாகி வருகிறது.

பாரதிராஜா இயக்கத்தில் உருவான 'தாஜ்மஹால்' திரைப்படத்தின் மூலம் நடிகராக அறிமுகமான மனோஜ், பின்னர் பல திரைப்படங்களில் நடித்துள்ளார். சமீபத்தில் 'மார்கழி திங்கள்' என்ற திரைப்படத்தை இயக்கியிருந்தார் என்பது தெரிந்த விஷயம்.

இந்த நிலையில், 48 வயதான மனோஜ் திடீரென மாரடைப்பால் காலமானார். இதையடுத்து, அவர் நடித்த படங்கள் மற்றும் அவரது குடும்ப புகைப்படங்கள் இணையத்தில் வைரலாகி வருகின்றன.

அந்த வகையில், சூப்பர் ஸ்டார் ரஜினிகாந்த் நடித்த 'எந்திரன்' திரைப்படத்தில், மனோஜ் பாரதிராஜா ரஜினிக்கு டூப்பாக நடித்துள்ள புகைப்படம் இணையத்தில் வைரலாகி வருகிறது. 'எந்திரன்' படத்தில் ரஜினிகாந்த் இரண்டு வேடங்களில் நடித்திருந்த நிலையில் அவரது ஒரு கேரக்டருக்கு டூப்பாக மனோஜ் நடித்த புகைப்படங்கள் நெட்டிசன்களால் சமூக ஊடகங்களில் பகிரப்பட்டு வருகிறது.