close
Choose your channels

Mahesh Babu, Ram Charan: సీఎం రేవంత్ రెడ్డికి మహేష్, చరణ్ ప్రత్యేక అభినందనలు

Saturday, December 9, 2023 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

Mahesh Babu, Ram Charan: సీఎం రేవంత్ రెడ్డికి మహేష్, చరణ్ ప్రత్యేక అభినందనలు

తెలంగాణ రెండో ముఖ్యమంత్రిగా రేవంత్ రెడ్డి ప్రమాణ స్వీకారం చేసి కొత్త ప్రభుత్వాన్ని ఏర్పాటు చేశారు. ఆయనతో పాటు మంత్రులు కూడా ప్రమాణం చేశారు. వారికి ఇవాళ శాఖలూ కేటాయించారు. అలాగే అసెంబ్లీ సమావేశాల్లో భాగంగా తొలి రోజు కొత్తగా ఎన్నికైన ఎమ్మెల్యేలు ప్రమాణ స్వీకారం చేశారు. ఈ క్రమంలో ముఖ్యమంత్రి రేవంత్ రెడ్డికి సినీ, రాజకీయ ప్రముఖుల నుంచి అభినందనలు వెల్లువెత్తుతున్నాయి. ఇప్పటికే ఇండస్ట్రీ నుంచి మెగాస్టార్ చిరంజీవి, బాలకృష్ణ, పవన్ కళ్యాణ్, నిఖిల్, నితిన్, సుధీర్ బాబు, రామ్‌గోపాల్ వర్మ వంటి వారు శుభాకాంక్షలు తెలియజేశారు.

తాజాగా సూపర్ స్టార్ మహేష్ బాబు, మెగా పవర్ స్టార్ రామ్ చరణ్‌ అభినందనలు తెలిపారు. " తెలంగాణ రాష్ట్ర ముఖ్యమంత్రిగా ప్రమాణ స్వీకారం చేసిన రేంవత్ రెడ్డి గారికి అభినందనలు. మీరు రాష్ట్రాన్ని విజయం, శ్రేయస్సు, అభివృద్ధి శిఖరాల వైపు తీసుకెళ్లాలని భావిస్తున్నాను" అని మహేశ్ బాబు ట్వీట్ చేశారు. ఇక "ముఖ్యమంత్రిగా బాధ్యతలను స్వీకరించిన రేవంత్ రెడ్డి గారికి శుభాకాంక్షలు. మీ నాయకత్వంలో రాష్ట్రంలో సానుకూల మార్పులు వస్తాయని.. అభివృద్ధిలో మరింత ముందుకు వెళ్లాలని ఆశిస్తున్నాను" అంటూ చరణ్‌ ట్విటర్‌లో తెలిపారు.

మరోవైపు తెలంగాణ కొత్త సినిమాటోగ్రఫీ మంత్రి ఎవరనే దానిపై విపరీతమైన చర్చ జరిగింది. ఎందుకంటే ఇండస్ట్రీకి సంబంధించిన ఏ విషయానైనా చర్చించాలంటే ఆ శాఖ మంత్రే కీలకం కానున్నారు. అందుకే కొత్త ప్రభుత్వంలో ఆ శాఖ మంత్రిగా ఎవరు నియమితులు కానున్నారని ఫిల్మ్ నగర్ వర్గాలు ఆసక్తిగా ఎదురుచూశారు. ఇప్పుడు సినిమాటోగ్రఫీ మంత్రిగా కోమటిరెడ్డి వెంకటరెడ్డి నియమితులయ్యారు. ప్రత్యేక తెలంగాణ వచ్చాక ఇప్పటివరకు మాజీ మంత్రి తలసాని శ్రీనివాస యాదవ్ సినిమాటోగ్రఫీ మంత్రిగా ఉండేవారు. ఇప్పుడు కాంగ్రెస్ పార్టీ అధికారంలోకి రావడంతో ఆ పదవి నుంచి ఆయన తప్పుకోవాల్సి వచ్చింది.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.