தமிழகத்தைச் சேர்ந்த பிரபல விஞ்ஞானியின் வாழ்க்கை வரலாறு திரைப்படத்தில் மாதவன் நடிக்க இருப்பதாக ஏற்கனவே செய்திகள் வெளியான நிலையில், இந்த படத்தின் பர்ஸ்ட் லுக் போஸ்டர் சற்றுமுன் வெளியாகி இணையத்தில் வைரல் ஆகி வருகிறது.

தமிழகத்தைச் சேர்ந்த மறைந்த விஞ்ஞானி ஜிடி நாயுடு வாழ்க்கை வரலாறு திரைப்படம் உருவாக இருப்பதாக சமீபத்தில் செய்திகளில் வெளியாகியிருந்தது. இந்த படத்தில் ஜிடி நாயுடு கேரக்டரில் நடிகர் மாதவன் நடிக்க உள்ளார்.

இந்த படத்தின் பர்ஸ்ட் லுக் போஸ்டர் சற்றுமுன் வெளியிடப்பட்டுள்ளது. ’ராக்கெட்டரி’ படத்தை தயாரித்த ட்ரை கலர்ஸ் பிலிம்ஸ் மற்றும் வர்கீஸ் மூலன் பிக்சர்ஸ் ஆகிய நிறுவனங்கள் இணைந்து தயாரிக்கும் இந்த படத்தை கிருஷ்ணகுமார் ராம்குமார் என்பவர் இயக்க உள்ளார்.

இந்த படத்தின் படப்பிடிப்பு கோவையில் இன்று தொடங்கி உள்ளதாக அறிவிக்கப்பட்டுள்ளது. இந்த படத்திற்கு 'ஜிடி நாயுடு' என டைட்டில் வைக்கப்பட்டு, வெளியாகியுள்ள போஸ்டர் இணையத்தில் வைரலாகி வருகிறது.

இந்த படத்தில் மாதவன் உடன் பிரியா மணி, ஜெயராம், யோகி பாபு ஆகியோர் நடித்து வருகின்றனர். இந்த படத்திற்கு கோவிந்த் வசந்தா இசையமைக்கிறார். ’ராக்கெட்டரி’ படம் போலவே இந்த படமும் மாதவனுக்கு ஒரு வெற்றி படமாக இருக்கும் என்று எதிர்பார்க்கப்படுகிறது.