close
Choose your channels

లతా మంగేష్కర్ ఆరోగ్య పరిస్థితి విషమం.. వెంటిలేటర్‌పై చికిత్స

Tuesday, November 12, 2019 • తెలుగు Comments

లతా మంగేష్కర్ ఆరోగ్య పరిస్థితి విషమం.. వెంటిలేటర్‌పై చికిత్స

మెలొడీ క్వీన్ లతా మంగేష్కర్ ఆరోగ్య పరిస్థితి విషమించిందని తెలుస్తోంది. సోమవారం అర్థరాత్రి 1.30 సమయంలో ఊపిరి తీసుకోవడంలో ఆమె ఇబ్బందికి గురవడంతో వెంటనే అప్రమత్తమైన బంధువులు ఆమెను ముంబయిలోని బ్రీచ్ క్యాండీ హాస్పిటల్‌కు తీసుకెళ్లిన విషయం తెలిసిందే. అయితే.. మంగళవారం తెల్లవారుజామున ఆమె పరిస్థితి మరింత  విషమించడంతో వెంటనే ఐసీయూకి తరలించి.. వెంటిలేటర్‌పై చికిత్స అందిస్తున్నట్లు చెబుతున్నారు. కొద్దిరోజుల క్రితం లతకు నుమోనియా సోకింది.

ఇదిలా ఉంటే ఆమె ఆరోగ్య పరిస్థితిపై కుటుంబీకులు ఓ రకంగా.. వైద్యులు మరో రకంగా చెబుతున్నారు. లత ఆరోగ్యం కొంచెం కూడా మెరుగుపడలేదని వైద్యం అందిస్తున్న డాక్టర్ ప్రతీత్ సమ్దానీ చెబుతున్నారు. అయితే లత కుటుంబీకులు మాత్రం ఆమె పరిస్థితి మెరుగ్గానే ఉందని అభిమానులెవరూ ఆందోళన చెందాల్సిన అక్కర్లేదని చెబుతున్నారు. ఆమె ఆరోగ్య పరిస్థితికి సంబంధించి క్లారిటీ లేకపోవడంతో ఆమె అభిమానులు, సన్నిహితులు ఆందోళన చెందుతున్నారు. మరి లత ఆరోగ్యంపై అధికారిక ప్రకటన ఎప్పుడు వస్తుందో వేచి చూడాల్సిందే మరి.

Get Breaking News Alerts From IndiaGlitz