ஜெயம் ரவி நடித்த "காதலிக்க நேரமில்லை" மற்றும் மணிகண்டன் நடித்த "குடும்பஸ்தன்" ஆகிய படங்களின் ஓடிடி ரிலீஸ் தேதிகள் குறித்த தகவல்கள் வெளியாகி உள்ளன.

ஜெயம் ரவி மற்றும் நித்யா மேனன் முக்கிய வேடத்தில் நடித்து, கிருத்திகா உதயநிதி இயக்கத்தில் உருவான "காதலிக்க நேரமில்லை" திரைப்படம் கடந்த பொங்கல் திருநாளில் வெளியானது. இந்த படம் கலவையான விமர்சனங்களை பெற்றது என்பது தெரிந்தது.

இந்த நிலையில், இந்த படம் தற்போது பிப்ரவரி 11ஆம் தேதி நெட்பிளிக்ஸ் ஓடிடி தளத்தில் வெளியாக உள்ளதாக அறிவிக்கப்பட்டுள்ளது. திரையரங்கில் எதிர்பார்த்த வெற்றியை பெறாத "காதலிக்க நேரமில்லை", ஓடிடி மூலம் நல்ல வரவேற்பை பெறுமா என்பதை பொறுத்திருந்து பார்ப்போம்.

அதைப் போல், சமீபத்தில் வெளியான "குடும்பஸ்தன்" திரைப்படத்தின் ஓடிடி ரிலீஸ் தேதியும் அறிவிக்கப்பட்டுள்ளது. மணிகண்டன் நடிப்பில், ராஜேஸ்வர் காளிசாமி இயக்கத்தில் உருவான "குடும்பஸ்தன்" திரைப்படம் ஜனவரி 24ஆம் தேதி வெளியானது.

22 கோடியில் பட்ஜெட்டில் உருவான இந்த படம் மிகப்பெரிய வரவேற்பை பெற்று, மூன்றாவது வாரமாக திரையரங்குகளில் நல்ல வசூலை தந்து கொண்டிருக்கிறது. இந்த நிலையில், இந்த படம் பிப்ரவரி 28ஆம் தேதி ஜீ5 ஓடிடி தளத்தில் வெளியாக உள்ளது.

திரையரங்குகளில் நல்ல வரவேற்பு பெற்றது போலவே, ஓடிடியிலும் இந்த படம் நல்ல வரவேற்பைப் பெறும் எனவும், குடும்ப ஆட்கள் இந்த படத்தை விரும்பி பார்க்க வாய்ப்பு இருப்பதாகவும் கூறப்படுகிறது.