close
Choose your channels
anabel
friendship

சிம்பு-கவுதம் மேனன் படத்தின் நாயகி பாலிவுட் பிரபல நடிகையா?

Wednesday, July 28, 2021 • தமிழ் Comments

சிம்பு நடிப்பில் கவுதம் மேனன் இயக்கத்தில் தயாராக இருக்கும் ‘நதிகளிலே நீராடும் சூரியன்’ என்ற படத்தின் படப்பிடிப்பு விரைவில் தொடங்க உள்ளதாக தகவல்கள் வெளிவந்துள்ளன. இந்த நிலையில் இந்த படத்தில் நாயகியாக நடிக்க கூடிய நடிகை குறித்த தகவல் தற்போது வெளிவந்துள்ளது.

சமீபத்தில் நெட்பிளிக்ஸ் ஓட்டியில் வெளியான ’மிமி’ என்ற திரைப்படத்தில் நடித்த பிரபல பாலிவுட் நடிகையான க்ரித்தி சனோன் தான் ’நதிகளிலே நீராடும் சூரியன்’ படத்தின் நாயகி என்றும் கூறப்படுகிறது. க்ரித்தி சனோன் நடித்த ’மிமி’ திரைப்படம் மிகப்பெரிய வரவேற்பை பெற்று உள்ளது என்பதும் இந்த படத்திற்கு இசைப்புயல் ஏஆர் ரஹ்மான் இசையமைத்துள்ளார் என்பது குறிப்பிடத்தக்கது.

இந்த நிலையில் ’நதிகளிலே நீராடும் சூரியன்’ படத்தின் கதையை கேட்ட க்ரித்தி சனோன் இந்த படத்தில் நாயகியாக நடிக்க ஒப்புக் கொண்டார் என்றும் இதுகுறித்த அதிகாரபூர்வ அறிவிப்பு விரைவில் வெளிவரும் என்றும் கூறப்படுகிறது.

நடிகை க்ரித்தி சனோன் தற்போது பிரபாஸ் நடிப்பில் ராமயண கதையை மையமாக வைத்து 300 கோடி பட்ஜெட் படமான ஆதிபுருஷ் என்ற படத்தில் சீதையாக நடித்து வருகிறார் என்பது குறிப்பிடத்தக்கது.

சிம்பு, க்ரித்தி சனோன் நடிப்பில் கெளதம் மேனன் இயக்கத்தில் ஏ.ஆர்.ரஹ்மான் இசையில் உருவாகும் இந்த படத்தை வேல்ஸ் பிலிம்ஸ் நிறுவனம் தயாரித்து வருகிறது என்பது குறிப்பிடத்தக்கது.

Get Breaking News Alerts From IndiaGlitz