close
Choose your channels

நடிகை கீர்த்தி சுரேஷ் நடிக்கும் அடுத்தப் படம் குறித்த அட்டகாசமான தகவல்!

Monday, November 29, 2021 • தமிழ் Comments

தமிழ், தெலுங்கு, மலையாளம் என தென்னிந்திய மொழிகளில் கலக்கிக் கொண்டிருக்கும் நடிகை கீர்த்தி சுரேஷ் தற்போது புதிய அவதாரம் எடுத்திருப்பதைத் தனது இன்ஸ்டாகிராம் பக்கத்தில் தெரிவித்து உள்ளார். அதாவது தனது அக்கா ரேவதி தயாரிக்கும் “வாஷி“ எனும் புதிய திரைப்படத்தில் நடிகை கீர்த்தி சுரேஷ் நடிக்க உள்ளார்.

இதைத்தான் நடிகை கீர்த்தி சுரேஷ் new beginning and new journey என்று தனது இன்ஸ்டாவில் குறிப்பிட்டு இருக்கிறார். பிரபல நடிகை மேனகா மற்றும் மலையாள தயாரிப்பாளர் சுரேஷின் இளைய மகள்தான் நடிகை கீர்த்தி சுரேஷ் என்பது பலருக்கும் தெரிந்திருக்கும். இந்த நட்சத்திரக் குடும்பத்தின் மூத்த மகள் ரேவதி தற்போது தயாரிப்பாளர் அவதாரம் எடுத்திருக்கிறார்.

இதையடுத்து தன்னுடைய அக்கா ரேவதி தயாரிக்கும் புதிய திரைப்படத்தில் நடிகை கீர்த்தி சுரேஷ் ஹீரோயினாக இணைந்துள்ளார். “வாஷி“ எனப் பெயரிடப்பட்டு உள்ள இந்தப் படத்தை இயக்குநர் விஷ்ணு ஜி ராகவ் இயக்கவிருக்கிறார். இதில் “மாரி2“ படத்தில் வில்லனாக நடித்த மலையாள நடிகர் டொவினோ தாமஸ் ஹீரோவாக நடிக்க இருப்பதும் குறிப்பிடத்தக்கது.

தற்போது “வாஷி“ படத்தின் படப்பிடிப்பு துவங்கப் பட்டதையடுத்து நடிகை கீர்த்தி சுரேஷ் தன்னுடைய இன்ஸ்டாவில் புகைப்படங்களை வெளியிட்டுள்ளார். அதில் புதிய தயாரிப்பாளர் ரேவதி, இயக்குநர் விஷ்ணு ஜி ராகவ், நடிகர் டொவினோ தாமஸ் ஆகியோர் இடம்பெற்றுள்ளனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz