நடிகர் கவின் நடித்த ‘கிஸ்’ என்ற திரைப்படத்தின் படப்பிடிப்பு முடிவடைந்து, தற்போது தொழில்நுட்ப பணிகள் விறுவிறுப்பாக நடைபெற்று வருகிறது. இந்த படத்தின் டீசர் வீடியோ வெளியாகி, இணையத்தில் வைரல் ஆகி வருகிறது.

தமிழ் திரையுலகில் வளர்ந்து வரும் ஹீரோ கவின் நடிப்பில், சதீஷ் இயக்கத்தில் உருவாகி வரும் ‘கிஸ்’ படப்பிடிப்பு முடிந்துள்ள நிலையில் இந்த படம் விரைவில் ரிலீஸ் ஆகும் என எதிர்பார்க்கப்படுகிறது. இந்த நிலையில் இந்த படத்தின் டீசர், சற்று முன்பு வெளியானது.

சுமார் ஒன்றரை நிமிடங்கள் ஓடும் இந்த டீசர் வீடியோவில், பெரும்பாலான காட்சிகள் கிஸ் அடிக்கும் காட்சிகளாக அமைந்துள்ளன. டீசரில் உள்ள காட்சிகள் காமெடியாக செல்லும் விதமாக வடிவமைக்கப்பட்டிருக்கும் நிலையில் டீசர் இறுதியில் ஒரு சஸ்பென்ஸ் உடன் முடிவடைகிறது.

ரோமியோ பிக்சர்ஸ் ராகுல் தயாரிப்பில் உருவாகியுள்ள இந்த படத்திற்கு ஜென் மார்ட்டின் இசையமைத்துள்ளார். ஹரிஷ் கண்ணன் ஒளிப்பதிவு செய்திருக்க, பிரணவ் படத்தொகுப்பை மேற்கொண்டுள்ளார். தமிழ், தெலுங்கு, ஹிந்தி ஆகிய மூன்று மொழிகளில் உருவாகியுள்ள இந்த படத்தில், கவினின் ஜோடியாக பிரீத்தி அஸ்ரணி நடித்துள்ளார். மேலும், டிடிவி கணேஷ் உட்பட பலரும் இந்த படத்தில் நடித்துள்ளனர்.