கதிர் மற்றும் கயல் ஆனந்தி நடித்த ’பரியேறும் பெருமாள்’ என்ற திரைப்படம் மிகப் பெரிய வெற்றி பெற்ற நிலையில் தற்போது மீண்டும் இருவரும் இணைந்து நடித்த திரைப்படம் ‘யூகி’. இந்த படம் வரும் 18ஆம் தேதி திரையரங்குகளில் ரிலீஸ் ஆக உள்ளது.

இந்த நிலையில் இந்த படத்தின் டிரைலர் வெளியாகி உள்ள நிலையில் டிரைலர் வீடியோ இணையதளங்களில் வைரலாக பெறுகிறது. இரண்டு நிமிடத்திற்கு மேல் உள்ள இந்த டிரைலரில் திடீரென ஒரு பெண் மர்மமாக மறைந்து விடுகிறார் என்றும் அவளைப் பற்றி சேகரிக்கும் செய்திகள் அனைத்தும் பொய்யாக இருக்கிறது என்றும் காவல்துறையினர் கண்டுபிடிக்கின்றனர். காணாமல் போன அந்த பெண்ணை கண்டு பிடித்தார்களா? என்பதுதான் இந்த படத்தின் கதை என டிரைலரில் இருந்து தெரிய வருகிறது.

மேலும் இந்த படத்தில் சமீபகாலமாக பரபரப்பாக பேசப்பட்டு வரும் வாடகைத்தாய் குறித்த பிரச்சினையும் அலசப்பட்டு உள்ளது என்பது டிரெய்லரில் இருந்து தெரியவருகிறது.

கதிர் கதாநாயகனாக நடித்துள்ள இந்த படத்தில் நரேன், நட்டி நட்ராஜ், கயல் ஆனந்தி, பவித்ரா லட்சுமி, பிரதாப் போத்தன், முனிஸ்காந்த் உள்பட பலர் நடித்துள்ளனர். ஜாக் ஹாரிஸ் இயக்கத்தில் உருவாகியுள்ள இந்த படத்திற்கு புஷ்பராஜ் ஒளிப்பதிவு செய்துள்ளார் என்பதும் ஜாமின் படத்தொகுப்பு செய்துள்ளார் என்பது குறிப்பிடத்தக்கது. இந்த படத்தை ரஞ்சின் ராஜ் என்பவர் இசையமைத்துள்ளார்.

இந்த படம் நவம்பர் 18-ஆம் தேதி வெளியாக இருக்கும் நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது என்பது குறிப்பிடத்தக்கது.