close
Choose your channels
siren
lal_salaam

'மருதநாயகம்' படத்தில் கமலுக்கு பதில் இந்த பிரபல நடிகரா? கைகொடுக்குமா மாஸ்டர் பிளான்..!

Wednesday, March 29, 2023 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

கமல்ஹாசனின் கனவு படம் என்றால் அது 'மருதநாயகம்’ தான் என்பதும் கடந்த 1997ம் ஆண்டு இந்த படத்தை எடுக்க அவர் முயற்சி செய்த நிலையில் பட்ஜெட் காரணமாக இந்த படம் நிறுத்தப்பட்டது என்பது தெரிந்ததே. இந்த நிலையில் இந்த படத்தை மீண்டும் கமல்ஹாசன் உருவாக்க முயற்சிப்பதாகவும் கூறப்படுகிறது. ஆனால் அதே நேரத்தில் ஏற்கனவே கமல்ஹாசன் 'மருதநாயகம்’ படம் இனி உருவானால் அதில் தான் நடிக்கப் போவதில்லை என்று கூறியிருந்தார். அந்த வகையில் தற்போது 'மருதநாயகம்’ படத்தில் விக்ரம் நடிக்க இருப்பதாக கூறப்படுகிறது.

கடந்த 1997 ஆம் ஆண்டு எம்ஜிஆர் பிலிம் சிட்டியில் 'மருதநாயகம்’ படத்தின் நிகழ்ச்சி நடைபெற்ற போது இங்கிலாந்து ராணி எலிசபெத் வருகை தந்திருந்தார். மேலும் அப்போதைய முதலமைச்சர் கருணாநிதி, நடிகர் திலகம் சிவாஜி கணேசன் உள்பட பலர் வருகை தந்திருந்தனர் என்பது குறிப்பிடத்தக்கது.

இந்த நிலையில் 36 ஆண்டுகளுக்குப் பிறகு தற்போது மீண்டும் 'மருதநாயகம்’ படத்தை உருவாக்க கமல் முயற்சி செய்வதாக கூறப்படுகிறது. மேலும் 'மருதநாயகம்’ படத்தில் ஏற்கனவே 30 நிமிட காட்சிகள் முடித்து விட்டது என்றாலும் அந்த காட்சிகளும் படத்தில் இடம்பெறும் என்றும் அதற்கு கமல்ஹாசன் ஒரு மாஸ்டர் பிளான் வைத்திருப்பதாகவும் கூறப்படுகிறது.

கமல்ஹாசன் நடித்த ’விக்ரம்’ திரைப்படம் ரூபாய் 300 கோடிக்கு மேல் வசூல் செய்தது மற்றும் சரித்திர கதையம்சம் கொண்ட ’பொன்னியின் செல்வன்’ ரூ.500 கோடிக்கு மேல் வசூல் செய்தது ஆகியவைதான் கமல்ஹாசன் மீண்டும் 'மருதநாயகம்’ படத்தை உருவாக்க முடிவு செய்ததற்கு காரணம் என்றும் கூறப்படுகிறது.


 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.