close
Choose your channels

రాజశేఖర్ ఆరోగ్యంపై స్పందించిన జీవిత..

Wednesday, November 4, 2020 • తెలుగు Comments

రాజశేఖర్ ఆరోగ్యంపై స్పందించిన జీవిత..

సీనియర్ నటుడు రాజశేఖర్ కరోనా బారిన పడి హైదరాబాద్‌లోని సిటీ న్యూరో సెంటర్ ఆస్పత్రిలో చికిత్స పొందుతున్నవిషయం తెలిసిందే. కాగా కొద్ది రోజుల క్రితం ఆయన ఆరోగ్యం ఆందోళనకరంగా మారిందని వార్తలొచ్చాయి. అప్పటి నుంచి వైద్యులు ఆయనను వెంటిలేటర్ మీద ఉంచి చికిత్సను అందించినట్టు వార్తలొచ్చాయి. కానీ రాజశేఖర్‌కు వైద్యులు నాన్ ఇన్‌వాసివ్ వెంటిలేటర్ సాయంతో ఆక్సిజన్‌ను అందించారు. అనంతరం ఆయన కోలుకోవడంతో వెంటిలేటర్‌ను తొలగించినట్టు కూడా వార్తలొచ్చాయి. రాజశేఖర్ ఆరోగ్యంపై ఆయన భార్య జీవిత తాజాగా స్పందించారు.

‘‘రాజశేఖర్ ఆరోగ్యం ముందుకన్నా చాలా మెరుగ్గా ఉంది. వైద్యానికి బాగా సహకరిస్తున్నారు. మొదట ఆయన ఆరోగ్యం చాలా క్రిటికల్ స్టేజి వరకు వెళ్లింది. వైద్యులు మేము చాలా భయపడ్డాం. డాక్టర్లు అనుక్షణం ఆయనను కనిపెట్టి మెరుగైన వైద్యం అందిస్తున్నారు. ఇప్పుడిప్పుడే ఆక్సిజన్ అవసరం లేకుండా వైద్యం అందుతోంది. తొందరలోనే డిశ్చార్జ్ అయ్యే అవకాశం ఉంది. ఆయన ఆరోగ్యం బాగుపడలని కోరుకున్న అభిమానులందరికి ధన్యవాదాలు’’ అని జీవిత తెలిపారు.

Get Breaking News Alerts From IndiaGlitz