உலக நாயகன் கமல்ஹாசன் நடித்த படத்தில் நடிகர் ஜெயம்ரவி உதவி இயக்குனராக பணிபுரிந்ததாக பிரபல இயக்குனர் ஒருவர் சமீபத்தில் தெரிவித்த தகவல் பெரும் ஆச்சரியத்தை ஏற்படுத்தி உள்ளது.

உலக நாயகன் கமல்ஹாசன் நடிப்பில் சுரேஷ்கிருஷ்ணா இயக்கத்தில் உருவான திரைப்படம் ’ஆளவந்தான்’. இந்த படம் வெளியான போது பெரும் வரவேற்பை பெறவில்லை என்றாலும் 20 ஆண்டுகள் கழித்து இந்த படத்தை தற்போது உலகம் முழுவதும் பேசப்படும் ஒரு படமாக உள்ளது.

இந்த நிலையில் இந்த படத்தில் ஜெயம் ரவி உதவி இயக்குனராக பணி புரிந்துள்ளார் என சமீபத்தில் அளித்த பேட்டியில் இயக்குனர் சுரேஷ் கிருஷ்ணா தெரிவித்துள்ளார். ஜெயம் ரவியின் தந்தை எடிட்டர் மோகன் தனது நெருங்கிய நண்பர் என்றும் அவர் ஜெயம்ரவியை தன்னுடைய உதவி இயக்குநராக சேர்த்துக்கொள்ள கூறியதாகவும் அதை தான் ஏற்றுக்கொள்வதாகவும் இதனையடுத்து அவர் அந்த படத்தில் உதவி இயக்குனராக பணி செய்ததாகவும் சுரேஷ் ரெய்னா கூறியுள்ளார்.

மேலும் அந்தப் படத்தின் படப்பிடிப்பின்போது கமல்ஹாசனின் நடிப்பை ஜெயம் ரவி உற்று நோக்குவார் என்றும் அப்போதே ஜெயம்ரவி பின்னாளில் ஒரு நல்ல நடிகராக வருவார் என்று தனக்கு தோன்றியது என்றும் அவர் தெரிவித்துள்ளார்.