close
Choose your channels

యాంకర్ అనసూయ ఇంట్లో విషాదం.. తండ్రి సుదర్శన్ రావు కన్నుమూత

Sunday, December 5, 2021 • తెలుగు Comments

యాంకర్ అనసూయ ఇంట్లో విషాదం.. తండ్రి సుదర్శన్ రావు కన్నుమూత

జబర్దస్ట్ యాంకర్, సినీ నటి అనసూయ ఇంట్లో విషాదం చోటు చేసుకుంది. ఆమె తండ్రి సుదర్శన్ రావు అనారోగ్యంతో కన్నుమూశారు. ఆయన వయసు 63 సంవత్సరాలు. గత కొంతకాలంగా క్యాన్సర్తో బాధపడుతున్న సుదర్శన్ రావు.. చికిత్స పొందుతున్న క్రమంలో హైదరాబాద్ తార్నాకలోని స్వగృహంలో ఆదివారం తుదిశ్వాస విడిచారు. దీంతో అనసూయ కుటుంబం, బంధుమిత్రులు శోకసంద్రంలో మునిగిపోయారు.

వ్యాపార రంగంలో స్థిరపడిన సుదర్శన్ రావు... కాంగ్రెస్ పార్టీకి వీరాభిమాని. దివంగత మాజీ ప్రధాని రాజీవ్ గాంధీ కాలంలో హైదరాబాద్ యూత్ కాంగ్రెస్ పబ్లిసిటీ సెక్రెటరీగానూ పనిచేశారు. తన తల్లికి గుర్తుగా ఆమె పేరునే అనసూయకు పెట్టారు. సుదర్శన్ రావుకు అనసూయతోపాటు మరో కుమార్తె కూడా ఉంది. ఈ విషయం తెలుసుకున్న సినీ ప్రముఖులు, అభిమానులు అనసూయ కుటుంబానికి సంతాపం తెలుపుతున్నారు. కాగా, అనసూయ డిసెంబరు 17న అల్లు అర్జున్ నటించిన 'పుష్ప' సినిమాతో ప్రేక్షకుల ముందుకు రానుంది. దీంతోపాటే మెగాస్టార్ చిరంజీవి 'ఆచార్య', 'భీష్మ పర్వం', 'ఖిలాడి', 'పక్కా కమర్షియల్',' రంగ మార్తాండ' సినిమాల్లోనూ కీలకపాత్రలు పోషిస్తోంది.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.   

Get Breaking News Alerts From IndiaGlitz