close
Choose your channels
Por
Joshwa

விஜய்க்கு மீண்டும் 'தலைவா' டேக்லைன் போட்ட பாடலாசிரியர்.. என்ன திட்டம்?

Saturday, December 3, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தளபதி விஜய் நடித்த 'தலைவா’ என்ற திரைப் படத்தின் டைட்டிலில் it's time to lead’ என்ற டேக்லைன் இருந்த நிலையில் அதன் பிறகு அந்த படம் பெரும் பிரச்சனைக்குள்ளானது என்பதும், அதன்பின்னர் அந்த டேக்லைன் நீக்கப்பட்டு ரிலீஸ் ஆனது என்பது குறிப்பிடத்தக்கது.

இந்த நிலையில் தளபதி விஜய் நடித்து வரும் ’வாரிசு’ படம் விரைவில் வெளியாக இருக்கும் நிலையில் இந்த படத்தின் பாடலை எழுதிய பாடலாசிரியர் விவேக் தனது சமூக வலைத்தளத்தில் ’தலைவா’ படத்தின் it's time.... என பதிவு செய்துள்ளது பரபரப்பை ஏற்படுத்தி உள்ளது. மேலும் அவர் தனது பதிவில், ‘30 வருட முயற்சி, வியர்வை, நெஞ்சின் உள் அறைகளில் உரம் போட்டு வளர்த்து தீ’ எனவும் அவர் பதிவு செய்து உள்ளார்.

தளபதி விஜய் விரைவில் அரசியலில் இறங்குவார் என்று எதிர்பார்க்கப்படும் நிலையில் it's time to lead என்ற டேக்லைனை அவருக்கு நெருக்கமானவரிடம் இருந்து வெளியாகி உள்ளதால் விரைவில் அவர் அரசியலுக்கு வருவாரா? அவருடைய திட்டம் தான் என்ன? என்ற கேள்வி ரசிகர்கள் மத்தியில் எழுந்துள்ளது.

இந்த நிலையில் தளபதி விஜய் நடித்த ’வாரிசு’ படத்தின் இரண்டாவது சிங்கிள் பாடல் நாளை மாலை 4 மணிக்கு வெளியாக உள்ளது என்பதும் தமன் இசையில் உருவான இந்த பாடலை ரசிகர்கள் மிகவும் ஆர்வத்துடன் எதிர்பார்த்து காத்திருக்கின்றனர் என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.