close
Choose your channels

இவ்வளவு விலையா? புதிய தொழில் துவங்கிய ஷாருக் மகன் ஆர்யன்கானை வறுத்தெடுத்த நெட்டிசன்ஸ்!

Tuesday, May 2, 2023 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பாலிவுட் சூப்பர் ஸ்டார் ஷாருக்கானின் மகன் ஆர்யன்கான் சமீபத்தில் புதிய ஆடை விற்பனை நிறுவனம் ஒன்றை துவங்கியிருந்தார். இதுகுறித்து ஆர்வம் தெரிவித்துவந்த நெட்டிசன்கள் பலரும் ஆன்லைனில் விற்பனை துவங்கியதை அடுத்து கடும் அதிருப்தியை வெளியிட்டுள்ளனர்.

பாலிவுட் நடிகர் ஷாருக்கான் மற்றும் கவுரிகான் தம்பதியரின் மூத்த மகன் ஆர்யன்கான் கடந்த சில மாதங்களுக்கு முன்பு கப்பலில் சென்றபோது போதைப்பொருள் வைத்திருந்ததாகக் குற்றம்சாட்டப்பட்டு பின்னர் அந்த வழக்கிலிருந்து விடுவிக்கப்பட்டார். இதையடுத்து தற்போது வலைத்தொடர் இயக்குவதற்கான முயற்சியில் ஈடுபட்டு வரும் அவர் சமீபத்தில் ஆடை விற்பனை செய்யும் புதிய நிறுவனம் ஒன்றையும் துவங்கியிருப்பதாகத் தகவல் வெளியானது.

இந்நிலையில் D YAVOl X எனப்படும் இந்த நிறுவனம் ஏப்ரல் 30 ஆம் தேதி ஆன்லைனில் தனது விற்பனையைத் துவங்கியது. இதற்கான விளம்பரப் படத்தில் ஆர்யன்கானுடன் நடிகர் ஷாருக்கானும் நடித்திருந்தார். இதுகுறித்து கடும் ஆர்வத்தை வெளிப்படுத்தி வந்த ரசிகர்கள் பலரும் விற்பனை துவங்கியபோது அதன் விலையைப் பார்த்து அதிர்ச்சி அடைந்தனர். மேலும் இவ்வளவு விலையா என கமெண்டுகளைப் பதிவிட்ட அவர்கள் நடுத்தர வர்க்கத்தினர் இதுபோன்ற ஆடைகளை வாங்க முடியுமா? என்று கேள்விகளையும் எழுப்பியிருந்தனர்.

அதாவது D YAVOl X எனப்படும் இந்த பிராண்டில் செய்யப்பட்ட ஒரு ஜாக்கெட்டின் விலை ரூ.2 லட்சத்திற்கும் ஒரு டீ சர்ட்டின் விலை ரூ.24,000 க்கும் விற்பனை செய்யப்பட்டது. இதனால் விற்பனை துவங்கிய முதல்நாளே நெட்டிசன்கள் பலரும் விமர்சனம் செய்த நிலையில் தற்போது ஆடை முழுவதும் விற்றுத் தீர்ந்துவிட்டதாகவும் மீண்டும் அதன் விற்பனை விரைவில் துவங்கும் என்றும் ஆர்யன்கான் தனது இன்ஸ்டாகிராம் பக்கத்தில் தகவல் வெளியிட்டுள்ளார். இதைப்பார்த்த நெட்டிசன்கள் இவ்வளவு விலை வைத்தப்பிறகும் ஆடைகள் விற்பனை ஆகிவிட்டதாக என ஆச்சர்யத்தை வெளியிட்டு வருவதும் குறிப்பிடத்தக்கது.

 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.