அருள்நிதி நடித்த 'பிருந்தாவனம்' திரைப்படம் கடந்த ஆண்டு வெளியாகி நல்ல வரவேற்பை பெற்ற நிலையில் அவர் நடித்து முடித்துள்ள அடுத்த படமான 'இரவுக்கு ஆயிரம் கண்கள்' திரைப்படம் கோலிவுட் வேலைநிறுத்தம் தொடங்கும் முன்பே ரிலீசுக்கு தயாராகிவிட்டது.

இந்த நிலையில் தற்போது வேலைநிறுத்தம் முடிவுக்கு வந்து புதிய திரைப்படங்களும் ரிலீஸாகி கொண்டிருக்கும் நிலையில் 'இரவுக்கு ஆயிரம் கண்கள்' திரைப்படத்தின் ரிலீஸ் தேதியும் தற்போது அறிவிக்கப்பட்டுள்ளது.

இந்த படம் வரும் மே 11ஆம் தேதி ரிலீஸ் ஆகும் என்று அறிவிக்கப்பட்டுள்ளது. இந்த தகவலை நடிகர் அருள்நிதி தனது சமூக வலைத்தளத்தில் உறுதி செய்துள்ளார். மேலும் இதே தினத்தில்தான் விஷாலின் 'இரும்புத்திரை' ரிலீஸ் ஆகிறது என்பது குறிப்பிடத்தக்கது

அருள்நிதி, அஜ்மல், மஹிமா நம்பியார், வித்யா பிரதீப், சாயாசிங், சுஜா வருணே, ஆனந்த்ராஜ், ஜான்விஜய், லட்சுமி ராமகிருஷ்ணன், ஆடுகளம் நரேன் உள்பட பலர் நடித்துள்ள இந்த படத்தை மாறன் என்பவர் இயக்கியுள்ளார். சாம் சி.எஸ் இசையில், அரவிந்த்சிங் ஒளிப்பதிவில், சான் லோகேஷ் படத்தொகுப்பில் இந்த படம் உருவாகியுள்ளது,.