close
Choose your channels

Allu Arjun:బన్నీ మైనపు విగ్రహం ఆవిష్కరణ.. తగ్గేదేలే.. సేమ్ టు సేమ్..

Friday, March 29, 2024 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

ఐకాన్ స్టార్ అల్లు అర్జున్ 'పుష్ప' సినిమాతో ఒక్కసారిగా దేశవ్యాప్తంగా గుర్తింపు తెచ్చుకున్నాడు. ఈ సినిమాలో నటనకు గాను నేషనల్ అవార్డు కూడా అందుకుని తెలుగు చిత్ర పరిశ్రమలో రికార్డు సృష్టించాడు. దీంతో బన్నీ క్రేజ్ విపరీతంగా పెరిగిపోయింది. ఈ క్రమంలోనే ప్రఖ్యాత మేడమ్ టుస్సాడ్స్ మ్యూజియంలో అల్లు అర్జున్ మైనపు విగ్రహాన్ని ఏర్పాటుచేశారు. దుబాయ్‌లోని మ్యూజియంలో ఏర్పాటుచేసిన ఈ విగ్రహాన్ని బన్నీ స్వయంగా ఆవిష్కరించారు. 'అలవైకుంఠపురంలో' మూవీలోని కాస్ట్యూమ్‌తో 'పుష్ప' మూవీలోని తగ్గేదేలే మేనరిజంతో ఈ విగ్రహం తయారుచేశారు.

ఈ కార్యక్రమానికి బన్నీ ఫ్యామిలీతో పాటు దుబాయ్ వెళ్లాడు. తన మైనపు విగ్రహం లాంఛ్ చేసిన సమయంలో బన్నీ కూతురు అల్లు అర్హ కూడా సందడి చేసింది. ఆ విగ్రహం పక్కన తండ్రి కుమార్తె ఇద్దరు తగ్గేదేలే అంటూ ఫొటోలకు పోజులు ఇచ్చారు. ఈ మైనపు విగ్రహంతో బన్నీ సెల్ఫీ తీసుకొని సోషల్ మీడియాలో పోస్ట్ చేసి తగ్గేదేలే అంటూ క్యాప్షన్ ఇచ్చాడు. ప్రస్తుతం మైనపు విగ్రహంతో అల్లు అర్జున్ తీసుకున్న ఫోటోలు సోషల్ మీడియాలో వైరల్ అవుతున్నాయి.

ఇక ఈ ఫొటోల్లో బన్నీకి, మైనపు విగ్రహానికి ఏ మాత్రం తేడా లేదు. డ్రెస్సింగ్ నుంచి గడ్డం, జుట్టు అంతా ఒకేలా ఉండటంతో అభిమానులు ఆశ్చర్యపోతున్నారు. సేమ్ టూ సేమ్ అంటూ కామెంట్స్ చేస్తున్నారు. కాగా మేడమ్‌ టుస్సాడ్స్‌ మ్యూజియంలో ఇప్పటికే మన తెలుగు హీరోలు ప్రభాస్‌, మహేష్ బాబు మైనపు విగ్రహాలు ఉన్నాయి. అయితే ఆ రెండు విగ్రహాలు లండన్‌లోని మ్యూజియంలో ఉండగా బన్నీది మాత్రం దుబాయ్‌లో ఏర్పాటు చేయడం విశేషం.

ఇదిలా ఉంటే బన్నీ సినిమాల విషయానికొస్తే ప్రస్తుతం 'పుష్ప2' షూటింగ్‌లో బిజీగా ఉన్నాడు. ఇప్పటికే 90శాతానికి పైగా షూటింగ్ పూర్తి అయింది. మరోవైపు పోస్ట్ ప్రొడక్షన్స్ పనులు కూడా మొదలుపెట్టారు. స్వాతంత్ర్య దినోత్సవం కానుకగా ఆగస్టు 15న ఈ చిత్రం ప్రపంచవ్యాప్తంగా రిలీజ్ కాబోతుంది. ఈ సినిమాతో మరోసారి పాన్ ఇండియా హిట్ కొట్టడం ఖాయమనే నమ్మకంతో ఉన్నాడు. తెలుగుతో పాటు దేశవ్యాప్తంగా అభిమానులు 'పుష్ప2' కోసం ఆసక్తిగా ఎదురుచూస్తున్నారు. ఈ మూవీ తర్వాత తమిళ స్టార్ డైరెక్టర్ అట్లీతో సినిమా చేయనున్నాడని తెలుస్తోంది.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.