ஒவ்வொரு வாரமும் திரையரங்குகளில் வெளியான புதிய திரைப்படங்கள் ஒரே மாதத்தில் ஓடிடியில் ரிலீஸ் ஆகி வருகின்றன என்பதை பார்த்து வருகிறோம். அந்த வகையில், இந்த வாரம் ஷங்கர் இயக்கத்தில் உருவான ‘கேம் சேஞ்சர்’ உள்பட சில படங்கள் ஓடிடியில் ரிலீஸ் ஆகியிருக்கும் நிலையில், அது குறித்த தகவல்களை தற்போது பார்ப்போம்.

ஷங்கர் இயக்கத்தில், ராம்சரண் தேஜா நடிப்பில் உருவான ‘கேம் சேஞ்சர்’ திரைப்படம் இன்று அமேசான் பிரைம் ஓடிடியில் ரிலீஸ் ஆகிறது. திரையரங்குகளில் எதிர்பார்த்த வெற்றியை கிடைக்காத இந்த படம், ஓடிடியில் எந்த அளவுக்கு வரவேற்பை பெறும் என்பதை பொறுத்திருந்துதான் பார்க்க வேண்டும்.

மேலும், கலையரசன் நடிப்பில் உருவான ’மெட்ராஸ்காரன்’ திரைப்படம் சமீபத்தில் திரையரங்குகளில் வெளியான நிலையில், இந்த படம் ஆஹா ஓடிடியில் வெளியாகிறது என்பது குறிப்பிடத்தக்கது. அதேபோல், ’கோபாலி’ என்ற ஹாட்ஸ்டார் சீரியலும் இன்று வெளியாகியுள்ளது. இந்த தொடரும் நல்ல விமர்சனங்களை பெற்று வருகிறது.

அதேபோல், ’தூம் தாம்’ என்ற தெலுங்கு திரைப்படம் அமேசான் பிரைம் ஓடிடியில் வெளியாகியுள்ளது. மேலும், ’பிரேக் அப் கஹானி’ என்ற தெலுங்கு திரைப்படம் சன் நெக்ஸ்ட் ஓடிடியில் ஒளிபரப்பாகிறது என்பது குறிப்பிடத்தக்கது.

மேலும், அட்லி தயாரிப்பில் உருவான ’பேபி ஜான்’ என்ற இந்தி திரைப்படமும் அமேசான் பிரைமில் ரென்ட் அடிப்படையில் இன்று வெளியாகியுள்ளது என்பது குறிப்பிடத்தக்கது.