close
Choose your channels
LoveToday
CWK

ஐசிசி தரவரிசையில் சறுக்கிய இந்தியா… கோலி பதவிவிலகல் காரணமா?

Thursday, January 20, 2022 • தமிழ் Sport News Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

ஐசிசி தரவரிசைக்கான பட்டியலில் முதல் இடத்தைப் பிடித்திருந்த இந்திய டெஸ்ட் கிரிக்கெட் அணி தற்போது 3 ஆவது இடத்திற்கு தள்ளப்பட்டு இருக்கிறது. தென்னாப்பிரிக்காவிற்கு எதிரான 2, 3 ஆவது டெஸ்ட் போட்டியில் இந்தியா தோல்வியைத் தழுவியதை அடுத்து தரவரிசையில் சறுக்கியது. ஆனால் கேப்டன் கோலி பதவிவிலகியதை அடுத்து ஐசிசி தரவரிசையில் இந்தியா சறுக்கலைச் சந்தித்து இருப்பதாக ரசிகர்கள் வருத்தம் தெரிவித்து வருகின்றனர்.

விராட் கோலி கேப்டன் பதவிக்கு வந்தபோது டெஸ்ட் கிரிக்கெட் போட்டியைப் பொறுத்தவரை 7 ஆவது இடத்தில் இருந்தது. ஒருநாள், டி20 போட்டிகளில் கோலி பெரிய ஏமாற்றத்தை கொடுத்தாலும் டெஸ்ட் போட்டியைப் பொறுத்தவரை அவர் நெம்பர் 1 நிலைமைக்கு உயர்த்தினார். ஆனால் தற்போது இந்திய டெஸ்ட் கிரிக்கெட் அணி 2021 ஐசிசி தரவரிசையில் 3 ஆம் இடத்திற்குத் தள்ளப்பட்டு உள்ளது.

அதேபோல ஐசிசி தேர்வுசெய்யும் சிறந்த ஒருநாள் அணி மற்றும் டி20 அணியில் ஒரு இந்திய வீரர்கள் கூட இடம்பெறவில்லை. ஆனால் டெஸ்ட் அணியில் இருந்து பேட்ஸ்மேன் ரோஹித் சர்மா, விக்கெட் கீப்பரும் பேட்ஸ்மேனுமான ரிஷப் பண்ட், பந்துவீச்சாளர் ரவிச்சந்திரன் அஸ்வின் ஆகிய மூவரும் இடம்பிடித்துள்ளனர். ரோஹித் சர்மா 11 போட்டிகளில் விளையாடி 906 ரன்களை குவித்துள்ளார். இதில் 2 சதம், 4 அரைச்சதமும் அடங்கும். மேலும் ரிஷப் பண்ட் 12 போட்டிகளில் விளையாடி 748 ரன்களைக் குவித்துள்ளார். அஸ்வின் 9 போட்டிகளில் 54 விக்கெட்டுகளை வீழ்த்தியுள்ளார்.

கடந்த 2021 ஆம் ஆண்டைப் பொறுத்தவரை இந்தியக் கிரிக்கெட் வீரர்கள் படு மோசமான ஆட்டத்தை வெளிப்படுத்தி இருந்தனர். இதனால் ரஹானே, புஜாரா, கோலி, கே.எல்.ராகுல் என எந்த இந்திய பேட்ஸ்மேனும் ஐசிசி தரவரிசைக்கான அணியில் இடம்பெறவில்லை. அதோடு 3 ஆண்டுகள் தொடர்ந்து கேப்டன், பேட்ஸ்மேன் என்ற அடிப்படையில் தரவரிசை பட்டியலில் இடம்பிடித்திருந்த கோலி முதல் முறையாக ஐசிசி தரவரிசையில் இடம்பெறவில்லை. இது அவர் மீதான விமர்சனத்திற்கு வழிவகுத்திருக்கிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.