close
Choose your channels

ரிக்சா ஓட்டுநர் மகனின் கனவை நனவாக்க ரூ.3 லட்சம் கொடுத்த பிரபல நடிகர்!

Tuesday, September 22, 2020 • தமிழ் Comments

லண்டனில் பாலே டான்ஸ் பயிற்சியில் ஈடுபட வேண்டும் என ரிக்சா ஓட்டுநர் ஒருவரின் மகன் கனவை நனவாக்க பிரபல நடிகர் ஒருவர் மூன்று லட்ச ரூபாய் நிதி உதவி செய்ததாக வெளி வந்திருக்கும் தகவலை அடுத்து அவருக்கு பாராட்டுக்கள் குவிந்து வருகிறது.

டெல்லியைச் சேர்ந்த விகாஸ்புரி என்ற பகுதியை சேர்ந்த ரிக்சா ஓட்டுனரின் மகன் கமல்சிங். 20 வயதான இவருக்கு பாலே டான்ஸ் என்றால் கொள்ளை விருப்பம். உலகப் புகழ்பெற்ற லண்டனில் உள்ள ஆங்கில தேசிய பாலே நடனப் பள்ளியில் சேர்ந்து படிக்க வேண்டும் என்பது இவரது கனவு. இதற்காக இவர் விண்ணப்பித்திருந்த நிலையில் இந்தியாவிலிருந்து அப்பள்ளியில் நடனம் கற்க தேர்வான ஒரே நபர் இவர்தான் என்பது குறிப்பிடத்தக்கது.

ஆனால் கமல் சிங் லண்டன் சென்று பாலே நடனம் கற்க அவரது குடும்ப வறுமை தடையாக இருந்தது. இதனால் தன்னைப்போன்ற ஏழைகளுக்கு வாய்ப்பு கிடைத்தாலும் அது நடப்பது சாத்தியமல்ல என்று மனம் சோர்ந்து இருந்தார்.

இது குறித்த செய்திகள் ஊடகங்களில் வெளியாகி பெரும் பரபரப்பை ஏற்படுத்திய நிலையில் கமல்சிங் கனவு குறித்து ஊடகங்களில் செய்தி வெளியானதை பார்த்த பிரபல பாலிவுட் நடிகர் ஹிருத்திக் ரோஷன் உடனடியாக ரூபாய் 3 லட்சம் கமல் சிங்குக்கு கொடுத்து, பாலே நடனம் கற்று வரும்படி ஊக்கம் அளித்துள்ளார்.

இதுகுறித்து கமல்சிங்கின் பயிற்சியாளர் தனது இன்ஸ்டாகிராம் பக்கத்தில் ஹிருத்திக் ரோஷனுக்கு நன்றி தெரிவித்துள்ளார் என்பது குறிப்பிடத்தக்கது.

Get Breaking News Alerts From IndiaGlitz