close
Choose your channels
Don
Nenjukku Needhi

ஆங்கில அறிவு: பிரபல நடிகையை கிண்டல் செய்த ஹர்பஜன்சிங்

Wednesday, October 9, 2019 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சமீபத்தில் ஐநா மாநாட்டில் பாகிஸ்தான் பிரதமர் இம்ரான்கான், இந்தியாவை அச்சுறுத்தும் வகையில் பேசியதற்கு இந்தியாவின் அரசியல் தலைவர்களும், திரையுலக பிரபலங்களும் பதிலடி கொடுத்து வந்தது. தெரிந்ததே. அந்த வகையில் ஒரு முன்னாள் விளையாட்டு வீரரான இம்ரான்கான், ரத்தக்களறி’ என்ற சொல்லையும் ‘இறுதி வரை போராடுவோம்’ என்ற சொல்லையும் அரசியலில் பயன்படுத்துவது இருநாடுகளுக்கும் இடையே பகைமையையே வளர்க்கும் என்றும், ஒரு சக விளையாட்டு வீரராக அவர் அமைதியைப் பரப்ப வேண்டும்” என்றும் கிரிக்கெட் வீர்ர் ஹர்பஜன்சிங் தனது சமூக வலைத்தளத்தில் தெரிவித்திருந்தார்.

ஹர்பஜன்சிங்கின் டுவீட் குறித்து கருத்து கூறிய பிரபல பாலிவுட் நடிகையும் பாகிஸ்தானை சேர்ந்தவருமான வீணா மாலிக், ‘இம்ரான்கான் சொன்னதை ஹர்பஜன்சிங் சரியாக புரிந்து கொள்ளவில்லை போல் தெரிகிறது. ஊரடங்கு உத்தரவு அகற்றப்பட்ட பிறகு உறுதியாக ரத்தக்களறி ஏற்படும் என்றும், எதார்த்தம் மற்றும் பயங்கரம் பற்றியே இம்ரான் கூறியதாகவும், இது ஒரு பயம் தரும் சூழல் என்றுதான் அவர் தெளிவாக கூறினாரே தவிர அச்சுறுத்தும் விதமாக கூறவில்லை என்றும் ஹர்பஜனுக்கு ஆங்கிலம் புரியாததால் அவர் தவறாக புரிந்து கொண்டுள்ளதாகவும் வீணா மாலிக் தெரிவித்திருந்தார்.

வீணா மாலிக்கின் இந்த விமர்சனத்திற்கு பதிலடி கொடுத்த ஹர்பஜன்சிங், ‘வீணா மாலிக்கின் டுவிட்டில் உள்ள ஒரு தவறை சுட்டிக்காட்டி ’ஆங்கிலத்தில் ஒரு டுவீட்டை பதிவு செய்யும் முன் அதை சரிபார்க்கவும்’ என்று பதிவு செய்துள்ளார். வீணா மாலிக் விமர்சனமும், ஹர்பஜன்சிங்கின் பதிலடியும் தற்போது வைரலாகி வருகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.