close
Choose your channels

பிரமாண்ட தயாரிப்பாளர் கலைப்புலி எஸ். தாணுவுக்கு பிறந்தநாள் வாழ்த்துக்கள்!

Saturday, June 25, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தமிழ் சினிமாவின் வர்த்தகத்தை மாற்றி அமைத்த பிரபல தயாரிப்பாளர் கலைப்புலி எஸ் தாணு அவர்களின் பிறந்தநாள் இன்று கொண்டாடி வரும் நிலையில் அவருக்கு திரையுலக பிரபலங்கள் வாழ்த்துக்களை தெரிவித்து வருகின்றனர். அந்த வகையில் நம்முடைய பிறந்த நாள் வாழ்த்துக்களையும் தெரிவித்துக்கொள்கிறோம்.

கலைப்புலி எஸ் தாணு அவர்கள் ஒரு திரைப்படத்தை தயாரிப்பது மட்டுமின்றி அந்த திரைப்படத்தை மக்களிடம் எப்படி கொண்டு போய் சேர்க்க வேண்டும் என்ற நுணுக்கத்தையும் அறிந்தவர். அவருடைய பிரமாண்டமான விளம்பரம், மற்ற தயாரிப்பு நிறுவனங்களை ஆச்சரியப்பட வைத்தது.

தமிழ் சினிமாவில் முதல் முதலாக ஒரு திரைப்படத்தை பிரமாண்டமாக விளம்பரம் செய்ய வேண்டும் என்ற உத்தியை கையிலெடுத்தவர் கலைப்புலி எஸ் தாணு அவர்கள் தான். இதனையடுத்து தான் பல நிறுவனங்கள் பிரமாண்டமாக விளம்பரம் செய்யும் முறையை கடைபிடித்தது.

சூப்பர் ஸ்டார் ரஜினிகாந்த் நடித்த ’கபாலி’ மற்றும் தளபதி விஜய் நடித்த ’தெறி’ ஆகிய இரண்டு படங்களையும் ஒரே நேரத்தில் தயாரித்தவர் தயாரிப்பாளர் கலைப்புலி எஸ் தாணு. மேலும் இரண்டு படங்களையும் வித்தியாசமாகவும் பிரமாண்டமாகவும் அவர் விளம்பரம் செய்தார் என்பதும் குறிப்பாக ’கபாலி’ திரைப்படத்தின் போஸ்டர்கள் விமானத்தில் ஒட்டப்பட்டு அவை உலகம் முழுவதும் பறந்து சென்றன என்பது குறிப்பிடத்தக்கது.

தனுஷ் நடித்த ’அசுரன்’ மற்றும் ’கர்ணன்’ ஆகிய இரண்டு வெற்றி படங்களை தொடர்ச்சியாக தயாரித்த கலைப்புலி எஸ் தாணு, தற்போது தனுஷ் நடித்து வரும் ’நானே வருவேன்’ என்ற திரைப்படத்தை தயாரித்து வருகிறார். அதுமட்டுமின்றி தமிழ் திரையுலகமே மிகவும் ஆவலுடன் எதிர்பார்த்து காத்திருக்கும் ’வாடிவாசல்’ படத்தின் தயாரிப்பாளரும் கலைப்புலி எஸ் தாணு அவர்கள் தான் என்பது குறிப்பிடத்தக்கது.

தமிழ்சினிமாவில் கலைப்புலி தாணு அவர்கள் கலைச்சேவை தொடர வேண்டும் என்று இந்த பிறந்த நாளில் அவருக்கு வாழ்த்து தெரிவித்துக் கொள்கிறோம்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Welcome to IndiaGlitz comments! Please keep conversations courteous and relevant to the topic. To ensure productive and respectful discussions, you may see comments from our Community Managers, marked with an "IndiaGlitz Staff" label. For more details, refer to our community guidelines.
settings
Login to post comment
Cancel
Comment
Related Videos