close
Choose your channels

ఎస్‌బీఐలో అకౌంట్ ఉందా.. ఈ శుభవార్త మీ కోసమే..!

Wednesday, March 11, 2020 • తెలుగు Comments

ఎస్‌బీఐలో అకౌంట్ ఉందా.. ఈ శుభవార్త మీ కోసమే..!

దేశీయ బ్యాంకింగ్‌ రంగ దిగ్గజం స్టేట్ బ్యాంక్ ఆఫ్ ఇండియా (ఎస్‌బీఐ) ఖాతాదారులకు తియ్యటి శుభవార్త అందించింది. ఇప్పటి వరకూ బ్యాంక్‌లో ఖాతా తెరవాలన్నా.. ఆ ఖాతా రద్దు కాకుండా ఉండాలన్నా కచ్చితంగా మినిమమ్ బ్యాలెన్స్ ఉండాల్సిందే.. ఒకవేళ లేకుంటే డబ్బులున్నప్పుడు మాత్రం గట్టిగానే కట్ చేసేవారు. ఈ క్రమంలో ఖాతాదారులు ఇబ్బందులు ఎదుర్కొంటుడంతో.. ఖాతాల్లో కనీస నిల్వను పాటించాల్సిన అవసరం లేదని ఓ ప్రకటనలో తెలిపింది. నిజంగా ఇది ఖాతాదారులకు శుభవార్తేనని చెప్పుకోవచ్చు. తద్వారా మొత్తం 44.51 కోట్ల ఎస్‌బీఐ ఖాతాల్లో యావరేజ్‌ మంత్లీ బ్యాలన్స్‌ చార్జీలను రద్దు చేయడం జరిగింది. అంతేకాదు ఎస్ఎంఎస్ ఛార్జీలను కూడా మాఫీ చేస్తున్నట్లు ప్రకటించింది.

ప్రస్తుతం ఎస్‌బిఐ సేవింగ్స్ బ్యాంక్ కస్టమర్లు మెట్రో, సెమీ అర్బన్ మరియు గ్రామీణ ప్రాంతాల్లో వరుసగా నెలవారీగా రూ. 3000, 2000, 1000 నెలవారీ బ్యాలెన్స్‌ను నిర్వహించాలి. సగటు నెలవారీ బ్యాలెన్స్‌ను నిర్వహించకపోవడంపై బ్యాంక్ రూ. 5 నుంచి 15 వరకు జరిమానా విధిస్తుంది. ఎస్ఎంఐ ఎస్ఎంఎస్ ఛార్జీలను కూడా మాఫీ చేసింది. భారతదేశపు అతిపెద్ద బ్యాంకు సేవింగ్స్ బ్యాంక్ ఖాతాపై వడ్డీ రేటును అన్నింటినీ సంవత్సరానికి 3% వరకు హేతుబద్ధం చేసింది. కాగా.. ఈ ప్రకటన మా కస్టమర్లలో మరింత సంతోషాన్ని నింపుతుంది. ఈ చొరవ మా వినియోగదారులను ఎస్బీఐతో బ్యాంకింగ్ వైపు శక్తివంతం చేస్తుందని.. అంతేకాకుండా ఎస్‌బీఐపై వారి విశ్వాసాన్ని పెంచుతుందని మేము నమ్ముతున్నాము’ అని చైర్మన్ రజనీష్ కుమార్ ఒక ప్రకటనలో తెలిపారు.

కాగా.. ఆస్తులు, డిపాజిట్లు, శాఖలు, కస్టమర్లు మరియు ఉద్యోగుల పరంగా ఎస్‌బీఐఅతిపెద్ద వాణిజ్య బ్యాంకు. ఇది దేశంలో అతిపెద్ద తనఖా రుణదాత. డిసెంబర్ 31, 2019 నాటికి, బ్యాంకు డిపాజిట్ బేస్ రూ. భారతదేశంలో 21,959 శాఖలతో 31 లక్షల కోట్లు. ఎస్‌బీఐ నేడు స్థిర డిపాజిట్లు లేదా ఎఫ్‌డీఐలపై వడ్డీ రేట్లను ఒక నెలలో రెండవ సారి తగ్గించింది. సవరించిన రేట్లు మార్చి 10 నుండి అమల్లోకి వచ్చాయి. మరోవైపు ఎస్‌బీఐ బుధవారం ఎంసీఎల్‌ఆర్‌ రేట్లను, డిపాజిట్లపై బ్యాంకు చెల్లించే వడ్డీరేట్లను తగ్గించడం జరిగింది. మొత్తానికి చూస్తే బుధవారం ఒక్కరోజే ఎస్‌బీఐ శుభవార్తలు చాలానే చెప్పిందన్న మాట.

Get Breaking News Alerts From IndiaGlitz